وزیراعظم کا چینی بحران تحقیقاتی کمیشن کے ارکان کو دھمکیاں دینے پر اظہار برہمی

وزیراعظم عمران خان نے چینی بحران کی تحقیقات کرنے والے کمیشن کے ارکان کو دھمکیاں دیے جانے پر سخت برہمی کا اظہار کیا ہے۔

وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے بتایا کہ چینی بحران کی تحقیقات کرنے والے کمیشن کے ارکان کو دھمکیاں دی گئی ہیں جس پر وزیراعظم نے سخت برہمی کا اظہار کیا ہے۔

چینی بحران کی انکوائری رپورٹ میری ہدایت پر جاری کی گئی، وزیراعظم

آنے والے دنوں میں وفاقی کابینہ اور پنجاب میں مزید تبدیلیاں بھی کی جاسکتی ہیں، وزیراعظم عمران خان کا وفاقی کابینہ کے اجلاس سے خطاب

معاون خصوصی کے مطابق وزیراعظم نے متعلقہ عناصر کو خبردار کیا ہے کہ اگریہ عمل دہرایا گیا تو سخت اقدام کیا جائیگا۔ وزیراعظم نے واضح کیا کہ انصاف کی راہ میں کسی کو حائل نہیں ہونے دیا جائے گا۔

انہوں نے بتایا کہ سندھ حکومت نے بھی 2014 اور 2018 میں اومنی گروپ کی شوگر ملز کو سبسڈی دی ، وزیراعظم 25 اپریل کو کمیشن کی حتمی رپورٹ کی روشنی میں مزید ایکشن لیں گے۔

چینی اور آٹا بحران کا سب سے زیادہ فائدہ حکمران جماعت کے جہانگیر ترین نے اٹھایا

دوسرے نمبر پر وفاقی وزیر خسرو بختیار کے بھائی اور تیسرے نمبر پر حکمران اتحاد میں شامل مونس الٰہی کی کمپنیوں نے فائدہ اٹھایا: تحقیقاتی رپورٹ منظر عام پر آگئی

فردوس عاشق اعوان نے کہا کہ 2017میں شوگر ملز مالکان نے سابق وزیر اعظم شاہد خاقان سے بھی سبسڈی منظور کرائی۔ وفاقی کابینہ کے اجلاس کے حوالے سے معاون خصوصی نے بتایا کہ اجلاس میں معاون خصوصی برائے احتساب و داخلہ شہزاد اکبر نے چینی بحران کی رپورٹ کابینہ اجلاس میں پیش کی۔

فردوس عاشق اعوان نے بتایا کہ شوگر ملز نے اضافی ذخائر کی وجہ سے گنا خریدنے سے انکار کیا، وزیراعظم نے رپورٹ کی روشنی میں کاشت کاروں کے مسائل کےحل کی ہدایت کی ہے۔

 25 اپریل کو انکوائری کمیشن کی حتمی رپورٹ پر وزیراعظم قانون کے مطابق ایکشن لیں گے

انہوں نے کہا کہ وفاق کی طرف سے چینی کی برآمد پر سبسڈی نہیں دی گئی، شوگرملزکے نمائندہ وفد نے 2017میں سابق وزیراعظم شاہد خاقان سے ملاقات کی تھی اور شوگر ملوں کے لیے 20ارب روپے کی سبسڈی منظور کرائی تھی۔ 2014سے 2016کے درمیان بھی شوگر ملز کو سبسڈی دی گئی۔

آٹا و چینی بحران پر وزیراعظم کا ایکشن، جہانگیر ترین برطرف، کابینہ میں اکھاڑ پچھاڑ

جہانگیر ترین چیئرمین ٹاسک فورس برائے زراعت کے عہدے سے فارغ، خسرو بختیار سے فوڈ سیکیورٹی کی وزارت لے لی گئی، رزاق داؤد کو شوگر ایڈوائزری بورڈ کے چیئرمین کے عہدے سے ہٹا دیا گيا

انہوں نےکہا کہ موجودہ حکومت نے 2014کے بعد پہلی بار گنے کی قیمت میں اضافہ کیا جس کا مقصد کاشت کاروں کو فائدہ دینا تھا۔

معاون خصوصی نے بتایا کہ 25 اپریل کو انکوائری کمیشن کی حتمی رپورٹ پر وزیراعظم قانون کے مطابق ایکشن لیں گے، وفاقی تحقیقاتی ایجنسی (ایف آئی اے) کی تحقیقاتی رپورٹ میں شوگر پالیسی پر کئی سوالات اٹھائے گئے ہیں، مستقبل میں مصنوعی بحران سے بچنے کیلئے اصلاحات لائی جائیں گی۔

انہوں نے بتایا کہ وفاقی کابینہ نے کمیٹی برائے توانائی کے اجلاس کے فیصلوں کی توثیق کی، متروکہ وقف املاک بورڈ کی تنظیم نو کیلئے ٹاسک فورس کی تجاویز کی منظوری دی گئی اور متروکہ وقف املاک بورڈ کی عمارتوں کوفلاحی کاموں کیلئے استعمال کرنے کی منظوری دی گئی۔

 7لاکھ 17ہزار 119رضا کار ٹائیگر فورس میں رجسٹرڈ ہوچکے ہیں

فردوس عاشق اعوان نے بتایا کہ احساس پروگرام میں کسی قسم کا امتیازی سلوک نہیں برتا جا رہا، معاون خصوصی صحت ڈاکٹر ظفر مرزا نے کورونا کی تازہ ترین صورتحال سے کابینہ کو آگاہ کیا، وزیراعظم نے بلوچستان میں ینگ ڈاکٹرز کے ساتھ برتاؤ پر بھی ناپسندیدگی کا اظہار کیا۔

انہوں نے کہا کہ ڈاکٹرز اور پیرا میڈیکل اسٹاف کورونا وبا کے خلاف صف اول کا دستہ ہے، 39 ہزار حفاظتی کِٹس صوبوں کو بھجوائی جا چکی ہیں، وفاق نے حفاظتی کِٹس صوبوں کی بجائے براہ راست اسپتالوں میں فراہم کرنے کا فیصلہ کیا ہے۔

فردوس عاشق اعوان کے مطابق کابینہ اجلاس میں معاون خصوصی عثمان ڈار نے ٹائیگر فورس کے حوالے سے بریفنگ دی، 7لاکھ 17ہزار 119رضا کار ٹائیگر فورس میں رجسٹرڈ ہوچکے ہیں، ٹائیگر فورس ضلع، تحصیل اور یونین کونسل کی سطح پر کام کرے گی۔