احساس کفالت پروگرام: 12 کے بجائے 19 ہزار روپے ملنے پر خاتون جھوم اٹھیں

گھوٹکی میں احساس کفالت پروگرام میں خاتون اُس وقت خوشی سے جھوم اٹھیں جب انہیں 12 ہزار کے علاوہ بقایا جات کی بھی ادائیگی کی گئی۔

وزیراعظم احساس کفالت پروگرام (سابقہ بے نظیر انکم سپورٹ پروگرام) کے ذریعے کورونا وائرس کی وجہ سے مستحقین میں ایمرجنسی کیش پروگرام کے تحت 12 ہزار کی امدادی رقوم کی تقسیم کا سلسلہ جاری ہے۔

کیا آپ احساس پروگرام کے تحت 12 ہزار روپے حاصل کرنے کا طریقہ جانتے ہیں؟

اب تک4 کروڑ 30 لاکھ سے زائد ایس ایم ایس موصول ہو چکے، شناختی کارڈ نمبر لکھ کر 8171 پر ایس ایم ایس کریں اور جانیں کہ آپ اس امداد کے اہل ہیں یا نہیں

اس کے علاوہ احساس کفالت پروگرام کے ذریعے مستحق افراد کو ماہانہ دو ہزار روپے بھی دیے جاتے ہیں۔ 

اوباڑو کے نواحی علاقے ریتی میں احساس ایمرجنسی کیش پروگرام کے تحت رقم لینے کیلئے آنے والی خاتون کی لاٹری اس وقت لگی جب اسے 12 ہزار روپے ایمرجنسی کیش پروگرام کے اور 9 ہزار کفالت پروگرام کے بقایا جات ملے جس پر خاتون نے خوشی میں جھومر ڈالنا شروع کردیا۔

خاتون کا کہنا تھا 21 ہزار روپے کی رقم ملنے پر وہ بے انتہا خوش ہیں۔

وزیراعظم احساس پروگرام کے تحت مستحقین میں 12 ہزار روپے نقد رقوم کی تقسیم شروع

بدین اور سجاول میں سماجی فاصلہ رکھنے کی ہدایات نظر انداز، سکھر، فیصل آباد، لودھراں، میانوالی اور پشاور میں بھی مستحقین میں امدادی رقم تقسیم کی گئی

خیال رہے کہ احساس ایمرجنسی کیش پروگرام کے تحت ایک کروڑ 20 لاکھ مستحق خاندانوں کو 12 ہزار روپے تقسیم کیے جارہے ہیں جس کے لیے 144 ارب روپے مختص کیے گئے ہیں۔