22 اپریل ، 2020 
ای سی سی نے احساس پروگرام کے تحت 75 ارب روپے جاری کرنے کی منظوری دے دی
22 اپریل ، 2020
اقتصای رابطہ کمیٹی(ای سی سی) نے احساس پروگرام کے تحت 75 ارب روپے جاری کرنے کی منظوری دے دی ۔
اسلام آباد میں مشیر خزانہ عبدالحفیظ شیخ کی زیر صدارت اقتصای رابطہ کمیٹی کا اجلاس ہوا۔
ای سی سی کی جانب سے جاری اعلامیے کے مطابق احساس پروگرام کے تحت 75 ارب روپے جاری کرنے کی منظوری دی گئی ہے، اس رقم سے 60 لاکھ مستحق افراد میں 12 ہزار روپے فی کس تقسیم کیے جائیں گے۔
اعلامیے کے مطابق اجلاس میں بلوچستان کے ترقیاتی منصوبوں کے لیے 60 کروڑ 60 لاکھ روپے جاری کرنے کی بھی منظوری دی گئی ۔
اس کے علاوہ درآمد و برآمد پالیسی 2020 ، اور پاکستان اسٹیل کے ملازمین کےلیے 5 ارب 15 کروڑ روپے جاری کرنے کی بھی منظوری دی گئی، رقم کی منظوری ملازمین کی طرف سے عدالتوں میں زیر التواء سیٹلمنٹ کے کیسوں کی مد میں دی گئی ہے۔
خیال رہے کہ وزیراعظم عمران خان کی ہدایت پر کورونا وائرس کی وجہ سے احساس پروگرام کے ایمرجنسی کیش پروگرام کے تحت مستحق ایک کروڑ 20لاکھ خاندانوں کو پیسے فراہم کیے جارہے ہیں۔
وزیراعظم کے مطابق 144 ارب روپے احساس پروگرام کے تحت 17ہزارمقامات سے مستحق افراد کو دیے جائیں گے اور ہر خاندان کو 12ہزارروپے ملیں گے۔
ملک کے مختلف علاقوں میں احساس پروگرام کے تحت امدادی رقم ملنے کا سلسلہ شرو ع ہوچکا ہے۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
