Can't connect right now! retry

دنیا
01 مئی ، 2020

کورونا کے پھیلاؤ کا تعلق چین کی لیبارٹری سے ہے، امریکی صدر اپنی بات پر قائم

کورونا وائرس کے پھیلاؤ کا تعلق ووہان کی لیبارٹری سے ہے: امریکی صدر ڈونلڈ ٹرمپ کا الزام۔ فوٹو: فائل

امریکی صدر ڈونلڈ ٹرمپ نے چینی مصنوعات پر مزید ٹیرف عائد کرنے کا عندیہ دیا ہے۔

امریکی صدر ڈونلڈ ٹرمپ نے چین سے درآمد ہونے والے ٹرانزٹ سسٹم سے لے کر گیمنگ ڈیوائسز، وینٹی لیٹرز اور فوجی سازو سامان پر 25 فیصد ٹیکس عائد کرنے کا عندیہ دیا ہے۔

امریکی صدر ڈونلڈ ٹرمپ نے دنیا بھر میں پھیلی وبا کا الزام ایک بار پھر چین پر عائد کرتے ہوئے کہا کہ کورونا وائرس کے پھیلاؤ کا تعلق ووہان کی لیبارٹری سے ہے۔

دوسری جانب امریکی انٹیلی جنس کمیونٹی اور سائنسدان کہتے ہیں کہ کورونا وائرس جانور سے انسان میں منتقل ہوا اور اس کا تعلق چین کے شہر ووہان کی لیب سے نہیں ہے۔

خیال رہے کہ گزشتہ سال دسمبر میں چین کے شہر ووہان سے پھیلنے والے کورونا وائرس نے اب دنیا کہ تمام تر ممالک کو اپنی لپیٹ میں لے لیا ہے۔

کورونا وائرس سے اب تک دنیا بھر میں متاثرہ افراد کی تعداد 32 لاکھ 21 ہزار سے تجاوز کر چکی ہے جس میں سے 2 لاکھ 28 ہزار سے زائد افراد ہلاک ہو چکے ہیں۔

کورونا وائرس کے پھیلاؤ کو لے کر دنیا بھر میں قیاس آرائیاں عروج پر ہیں متعدد لوگوں کا کہنا ہے کہ وائرس ووہان لیب سے پھیلا ہے جب کہ کورونا سے متعلق سازشی نظریات بھی سامنے  آ چکے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM