سندھ میں نافذ جزوی لاک ڈاؤن پورے رمضان جاری رکھنے کا اعلان

سندھ حکومت نے کورونا وائرس کی وجہ سے صوبے میں نافذ جزوی لاک ڈاؤن کو پورے رمضان میں جاری رکھنے کا اعلان کردیا۔

اس حوالے سے نوٹیفکیشن بھی جاری کردیا گیا ہے جس میں کہا گیا ہے کہ لاک ڈاؤن پورے رمضان تک جاری رکھا جائے گا، 23 اپریل کو جاری ہونے والے نوٹیفکیشن کو ہی توسیع دی گئی ہے۔

نوٹیفکیشن کے مطابق لاک ڈاؤن کے دوران برآمدی صنعتوں کو کھولنے کی اجازت ہوگی، لاک ڈاؤن سے استثنیٰ حاصل کرنے والی صنعتوں کی تعداد 528 ہوگئی ہے۔

سندھ حکومت کا جمعے کے بعد جزوی لاک ڈاؤن میں مزید نرمی پر غور

وزیراعلٰی سندھ مراد علی شاہ اس حوالے سے صدر مملکت اور وزیر اعظم کو اعتماد میں لیں گے، ذرائع

اس کے علاوہ سندھ حکومت نےدو روز میں مزید 90 صنعتوں کو کام کی اجازت دے دی ہے،  30 اپریل کو 68 اور یکم مئی کو 22 فیکٹریوں کو کام کی اجازت دے دی گئی ہے۔

خیال رہے کہ اس سے قبل وفاقی حکومت نے ملک بھر میں نافذ جزوی لاک ڈاؤن میں 9 مئی تک توسیع کا اعلان کیا تھا جس کے بعد سندھ حکومت نے بھی لاک ڈاؤن 9 مئی تک بڑھادیا تھا۔