10 مئی ، 2020 
گوگل اور فیس بک کی سال کے آخر تک ملازمین کو گھر سے کام کرنے کی ہدایت
10 مئی ، 2020
عالمگیر وبا کورونا وائرس کے پھیلاؤ کو روکنے کے لیے لاک ڈاؤن کی وجہ سے تمام تر تعلیمی ادارے اور دفاتر بند ہیں اور اس سلسلے میں تمام کام آن لائن گھر بیٹھے ہی کیا جا رہا ہے۔
وائرس کے پھیلاؤ کے پیش نظر مقبول ترین ٹیکنالوجی کمپنیوں کی جانب سے اپنے ملازمین کو گھر بیٹھے کام کرنے کی ہدایات جاری کی گئیں تھیں۔
اب موجودہ صورتحال کو دیکھتے ہوئے معروف کمپنی گوگل اور فیس بک نے اپنے ملازمین کو سال کے آخر تک گھروں سے ہی کام کرنے کی ہدایت جاری کی ہے۔
غیر ملکی خبر رساں ادارے کے مطابق عالمی وبا کے پیش نظر گوگل نے شروعات میں اپنے ملازمین کے لیے گھر سے کام کرنے کی پالیسی کو یکم جون تک جاری رکھنے کا اعلان کیا تھا مگر اب موجودہ صورتحال کو مد نظر رکھتے ہوئے کمپنی نے اس پالیسی میں مزید 7 ماہ کا اضافہ کر دیا ہے۔
دوسری جانب فیس بک نے اعلان کیا تھا کہ وہ اپنے بند دفاتر 6 جولائی سے کھولے گا لیکن ایسے ملازمین جو گھروں سے کام کر سکتے ہیں وہ سال کے آخر تک گھروں سے ہی کام کریں گے۔
دنیا بھر میں کورونا وائرس کی صورتحال
دنیا بھرمیں کورونا سے ہلاک افراد کی تعداد 2 لاکھ 76 ہزار سے تجاوز کر گئی ہے جب کہ کورونا سے متاثرہ افراد کی تعداد 40 لاکھ 29 ہزار سے زائد ہے۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
بھارت نے واٹس ایپ پر 7 ارب روپے سے زائد کا جرمانہ عائد کردیا
19 نومبر ، 2024
واٹس ایپ گروپس کے لیے ایک بہترین فیچر متعارف
17 نومبر ، 2024
