Can't connect right now! retry

کاروبار
11 مئی ، 2020

پاکستان کے ایک ارب 80 کروڑ ڈالر کے قرضوں کی ادائیگی مؤخر ہوگئی ہے، حفیظ شیخ

کوروناوائرس سےقبل پاکستان کی اقتصادی ترقی کی نمو میں 3 فیصداضافہ متوقع تھا ،حفیظ شیخ ،فوٹو:فائل

وزیراعظم عمران خان کے مشیر خزانہ عبدالحفیظ شیخ کا کہنا ہے کہ پاکستان نے ایک ارب 80 کروڑ ڈالر کے قرضے ری شیڈول کرالیے ہیں۔

اسلام آباد میں مشیرخزانہ حفیظ شیخ سے جرمنی اور فرانس کے سفیروں نے ملاقات کی اور کورونا وائرس کے معیشت پر پڑنے والے اثرات پر تبادلہ خیال کیا۔

دونوں ممالک کے سفیروں نے 20 بڑی معیشت والے ممالک کے گروپ جی ٹوئنٹی کی پیشکش اورمزید قرض کی ضرورت پر بھی گفتگو کی۔

اس موقع پر مشیر خزانہ کا کہنا تھا کہ پاکستان نے کمرشل قرضوں کی ری شیڈولنگ پر تاحال کام نہیں کیا، بیشتر نئے قرض پرانے قرضوں کی ادائیگی کے لیے ہوں گے۔

ان کا کہنا تھا کہ کوروناوائرس سےقبل پاکستان کی اقتصادی ترقی کی نمو میں 3 فیصداضافہ متوقع تھا لیکن کورونا وائرس کےبعد جی ڈی پی منفی ایک سے ڈیڑھ فیصد تک رہنے کا امکان ہے۔

مشیر خزانہ کا کہنا تھا کہ پاکستان نے جی ٹوئنٹی ممالک سے قرضوں کو مؤخر کرنے کا مطالبہ کیا تھا،پاکستان کا مؤقف تھا کہ غریب ملکوں کے قرضوں کو مؤخر کیا جائے۔

انہوں نے بتایا کہ پاکستان کے 1.8 ارب ڈالرز کے قرضوں کو مؤخر کردیا گیا ہے، وزارت خزانہ قرضوں کے ایکٹ پر عمل درآمد کرے گا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM