13 مئی ، 2020 
ٹوئٹر ملازمین ہمیشہ گھروں سے کام کر سکتے ہیں
13 مئی ، 2020
عالمی وبا کورونا وائرس کے پیشِ نظر متعدد کمپنیوں نے اپنے ملازمین کے تحفظ کے لیے انہیں گھر سے کام کرنےکی اجازت دے رکھی ہے۔
مقبول ترین ٹیکنالوجی کمپنیاں گوگل، فیس بک اور ٹوئٹر کے ملازمین بھی موجودہ صورتحال کی وجہ سے گھروں سے ہی کام کر رہے ہیں۔
اس ضمن میں مائیکرو بلاگنگ سائٹ ٹوئٹر کے سربراہ جیک ڈورسی کا کہنا ہے کہ ان کے ملازمین جب تک چاہیں گھر سے کام کر سکتے ہیں۔
کمپنی ترجمان کے مطابق جیک ڈورسی نے ملازمین سے کہا ہےکہ زیادہ تر افراد کو کورونا وائرس کی وبا ختم ہونے کے بعد بھی گھروں سے کام کرنے کی اجازت ہوگی۔
کمپنی ترجمان کا مزید کہنا تھا کہ گزشتہ چند مہینوں میں ثابت ہو گیا کہ ہمارے ملازمین گھروں سے کام کر سکتے ہیں، تو اگر کمپنی کے ملازمین نے چاہا کہ وہ آگے بھی گھروں سے ہی کام کریں تو انہیں اجازت دی جائے گی۔
علاوہ ازیں انہوں نے کہا کہ اگر ملازمین ایسا نہیں بھی چاہیں گے تو کمپنی تب بھی جب ضروری اور محفوظ سمجھے گی تو دفتروں کو احتیاطی تدابیر کے ساتھ کھول دے گی۔
خیال رہے کہ اس سے قبل سماجی رابطوں کے مقبول ترین پلیٹ فارم فیس بک اور گوگل نے اپنے ملازمین کے لیے گھر سے کام کرنے کی پالیسی میں 7 ماہ کا مزید اضافہ کیا ہے۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
بھارت نے واٹس ایپ پر 7 ارب روپے سے زائد کا جرمانہ عائد کردیا
19 نومبر ، 2024
واٹس ایپ گروپس کے لیے ایک بہترین فیچر متعارف
17 نومبر ، 2024
