14 مئی ، 2020 
قومی ہاکی پلیئرز کے درمیان انفرادی مہارت کا مقابلہ
14 مئی ، 2020
پاکستان ہاکی ٹیم منیجمنٹ نے قومی کھلاڑیوں کو متحرک رکھنے کیلئے انفرادی اسکلز کا مقابلہ کرانے کا فیصلہ کیا ہے جن میں سے ٹاپ پانچ کھلاڑی ایشین ہاکی اسکلز مقابلے کیلئے منتخب ہوں گے۔
کورونا وائرس کے باعث جہاں کھیلوں کی سرگرمیاں معطل ہیں وہیں پاکستان ہاکی فیڈریشن (پی ایچ ایف) نے کھلاڑیوں کو متحرک رکھنے کا سلسلہ جاری رکھا ہوا ہے۔
پہلے کھلاڑیوں کو گھروں پر فٹنس پلان دیا گیا اور پھر سینیئر ہاکی ٹیم کے کھلاڑیوں کے فٹنس ٹیسٹ ہوئے۔ فٹنس ٹیسٹ کے بعد قومی ہاکی ٹیم کی انتظامیہ نے انفرادی اسکلز پروگرام میں شرکت کو یقینی بنانے کیلئے مقابلوں کا اہتمام کیا ہے۔
ٹیم منیجمنٹ نےقومی ہاکی ٹیم کے تمام کھلاڑیوں سے انفرادی اسکلز کی ویڈیوز منگوانا شروع کر دی ہیں جن میں سے ٹاپ پانچ کھلاڑی ایشین ہاکی اسکلز مقابلے کیلئے منتخب ہوں گے۔
ہیڈ کوچ قومی ہاکی ٹیم خواجہ جنید کہتے ہیں کہ انفرادی اسکلز مقابلے کا مقصد کھلاڑیوں کو متحرک رکھنا ہے ۔اس کے علاوہ ان کی مہارت کا اندازہ ہوگا۔
اس سے قبل جونیئر ہاکی ٹیم کے کھلاڑیوں کے درمیان ورزش کا مقابلہ بھی ہو چکا ہے۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
9 گھنٹے پہلے
دبئی نے ثانیہ مرزا کو اپنا اسپورٹس ایمبیسڈر مقرر کر دیا
10 گھنٹے پہلے
