06 جون ، 2020 
نیویارک پولیس کے 55 افسران 2 ساتھیوں کی معطلی کے بعد احتجاجاً مستعفی
06 جون ، 2020
نیویارک کے علاقے بفلو میں ہنگامی ریسپانس ٹیم کے 55 پولیس افسران نے 2 ساتھیوں کے معطلی کے بعد احتجاجاً استعفیٰ دے دیا۔
غیر ملکی خبر رساں ادارے کے مطابق گزشتہ روز بفلو میں سیاہ فام شہری کے امریکی پولیس اہلکار کے ہاتھوں قتل کے خلاف کیے گئے مظاہرے کی ویڈیو میں ہنگامی رسپانس فورس کے افسران کی ایک قطار دکھائی دیتی ہے۔
ویڈیو میں دیکھا گیا کہ پولیس کی طرف آنے والے ایک شخص کو 2 اہلکاروں نے ایسا دھکا دیا کہ وہ پیچھے فٹ پاتھ پر جا گرا اور اس کے سر سے خون بہنے لگا۔
اس ویڈیو کے وائرل ہونے کے بعد دھکا دینے والے دونوں افسران کو معطل کر دیا گیا جس کے بعد یونٹ کے دیگر 55 افسران نے دو ساتھیوں کے ساتھ کیے گئے سلوک پر استعفیٰ دے دیا۔
استعفیٰ دینے والے افسران کا کہنا تھا کہ وہ صرف احکامات پر عمل کر رہے تھے۔
زخمی ہونے والے مارٹن گوگینو نے اپنے بیان میں خود کو انسانی حقوق کا وکیل بتایا جب کہ حکام کے مطابق اب ان کی حالت خطرے سے باہر ہے۔
خیال رہے کہ امریکی ریاست منی سوٹا کے شہر مینی پولِس میں 25 مئی 2020 کو سفید فام پولیس اہلکار کے ہاتھوں 45 سالہ سیاہ فام شہری جارج فلوئیڈ ہلاک ہوگیا تھا۔
مینی پولس میں سفید فام پولیس اہلکاروں کے ہاتھوں سیاہ فام جارج فلائیڈ کے قتل کے بعد ہنگامے پھوٹ پڑے تھے جس نے امریکا کے کئی شہروں کو اپنی لپیٹ میں لے لیا۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
