09 جون ، 2020 
وفاقی کابینہ نے اسٹیل ملز ملازمین کو گولڈن ہینڈشیک دیکر فارغ کرنے کی منظوری دیدی
09 جون ، 2020
وفاقی کابینہ نے پاکستان اسٹیل ملز کے ملازمین کو گولڈن ہینڈ شیک دے کر فارغ کرنے کی اقتصادی رابطہ کمیٹی کی تجویز کی منظوری دے دی۔
وزیرِاعظم عمران خان کی زیرصدارت وفاقی کابینہ کااجلاس ہواجس میں اسٹیل مل کے حوالے سے اقتصادی رابطہ کمیٹی (ای سی سی) کےفیصلے پر تفصیلی غور کے بعد اس کی توثیق کردی گئی۔
یاد رہے کہ اقتصادی رابطہ کمیٹی نے 3 جون کے اجلاس میں پاکستان اسٹیل کے 9 ہزار سے زائد ملازمین کو گولڈن ہینڈ شیک دے کر فارغ کرنے کی سفارش کی تھی۔
کابینہ اجلاس کے بعد جاری بیان میں کہاگیاکہ سالہاسال سے غیر فعال ادارےکاسارا بوجھ عوام کوبرداشت کرنا پڑتا ہے،موجودہ حکومت کا ایجنڈا اصلاحات ہے اور اس ایجنڈے کو آگے بڑھانےکی ضرورت ہے۔
وفاقی کابینہ کے اجلاس میں شوگر کمیشن کی رپورٹ کی روشنی میں شوگر ملز کے خلاف کیسز متعلقہ اداروں کو بھیجنے کی بھی منظوری دے دی گئی۔
کابینہ کو بریفنگ میں بتایا گیا کہ کمیشن کی سفارشات کی روشنی میں ایکشن میٹرکس پر منظوری سے عمل درآمد شروع کیا جاچکاہے،کارروائی کے 3 حصے ہیں، پہلا حصہ سزاؤں اور ریکوری سےمتعلق ہے۔
بریفنگ میں بتایا گیا کہ وزیرِاعظم کی ہدایت پرمسئلہ قومی احتساب بیورو(نیب) کےحوالےکردیاگیا ہے،نیب اپنے قانون کے مطابق 1985سے دی جانے والی سبسڈی کا بھی جائزہ لے گا۔
اجلاس کے دوران وزریراعظم نے ملک کے مختلف حصوں میں پیٹرولیم مصنوعات کی مصنوعی قلت کی رپورٹس پر نوٹس لیتے ہوئے حکم دیاکہ مصنوعی قلت کاسبب بننے والوں کےخلاف سخت ایکشن لیا جائے۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
