جگاڑ کرکے آن لائن کلاس لینے والی ٹیچر کون ہیں؟

کورونا وائرس کی وجہ سے دنیا بھر میں تعلیمی ادارے بھی بند ہیں جس کی وجہ سے آن لائن تعلیم کا سلسلہ شروع ہوچکا ہے۔

آن لائن کام کرنے اور پڑھائی کرنے میں بے شمار لوگوں کو مشکلات کا بھی سامنا کرنا پڑ رہا ہے اور اس حوالے سے دنیا بھر سے عجیب و غریب واقعات بھی دیکھنے میں آرہے ہیں۔

حال ہی میں بھارت میں آن لائن کلاس لینے کے دوران انٹرنیٹ کے کمزور سگنلز کی وجہ سے طالبہ دو منزلہ چھت پر چڑھ کر کلاس لینے پر مجبور ہوگئی تھی۔

انٹرنیٹ کی دشواری، آن لائن کلاس کیلئے طالبہ چھت پر چڑھ گئی

آن لائن کلاسز کے لیے طلبہ کو بے شمار مشکلات کا سامنا کرنا پڑ رہا ہے کیونکہ کبھی انٹرنیٹ ٹھیک نہیں چلتا تو کبھی لوڈ شیڈنگ کی وجہ سے ان کی مشکل میں مزید اضافہ ہو جاتا ہے۔

اب بھارت میں کیمسٹری کی ایک ٹیچر نے آن لائن کلاس لینے کے لیے اپنے موبائل فون کو رکھنے کے لیے ہینگر، کپڑا اور کرسی کی مدد سے ٹرائپوڈ بنا کر کلاس لی جس کے سوشل میڈیا پر خوب چرچے ہورہے ہیں۔

بھارتی ریاست پونے کی کیمسٹری ٹیچر نے اپنے لنکڈ ان اکاؤنٹ پر ایک ویڈیو شیئر کی جس میں دیکھا جا سکتا ہے کہ وہ بچوں کو آن لائن کلاس دینے کی خاطر اتنی لگن کے ساتھ خود ٹرائپوڈ اسٹینڈ بنا کر اس میں موبائل رکھ کر پڑھا رہی ہیں۔

سوشل میڈیا پر ٹیچر کی اس جگاڑ کو صارفین کی جانب سے خوب سراہا جا رہا ہے اور ان کی محنت اور لگن کی تعریف کی جا رہی ہے۔