16 جون ، 2020 
کراچی طیارہ حادثے میں جاں بحق 82 سالہ شخص کی اہلیہ بھی چل بسیں
16 جون ، 2020
پاکستان انٹرنیشنل ائیر لائنز (پی آئی اے) کے طیارہ حادثے کے 25 دن بعد حادثے کے مقام سے 82 سالہ مسافرکا پاسپورٹ مل گیا۔
محمد سلیم اسلم 22 مئی کو ماڈل کالونی میں گرنے والے طیارے میں سوار تھے جن کا پاسپورٹ پی آئی اے حکام نے اپنی تحویل میں لے لیا ہے۔
پی آئی اے حکام کے مطابق محمد سلیم اسلم کی اہلیہ بھی گذشتہ روز انتقال کر گئیں، دونوں نے رواں سال اپنی شادی کی 67 ویں سالگرہ منائی تھی۔
اہلیہ طیارہ حادثے میں شوہر کے جاں بحق ہونے کے 24 دن بعد انتقال کرگئیں۔
خیال رہے کہ 22 مئی کو پی آئی اے کا لاہور سے کراچی آنے والا طیارہ رن وے سے چند سیکنڈ کے فاصلے پر آبادی پر گر کر تباہ ہوگیا تھا جس کے نتیجے میں جہاز کے عملے سمیت 97 افراد جاں بحق جب کہ دو افراد معجزانہ طور پر بچ گئے تھے۔
مزید خبریں :
دھند کے باعث اسلام آباد سے لاہور تک موٹروے بند
3 گھنٹے پہلے
جسٹس ریٹائرڈ اعجاز الحسن انتقال کرگئے
8 گھنٹے پہلے
