06 جولائی ، 2020 
اسٹیٹ بینک نے کورونا سدباب کیلئے اسپتالوں کی ری فنانسنگ کا دائرہ وسیع کردیا
06 جولائی ، 2020
اسٹیٹ بینک نے کورونا وائرس کے سدباب کیلئے اسپتالوں کی ری فنانسنگ کا دائرہ کار وسیع کردیا۔
اسٹیٹ بینک کے جاری کردہ اعلامیے کے مطابق کورونا سدباب ری فنانسنگ اسکیم میں وبا کے لباس، ماسک، ٹیسٹنگ کٹس، وینٹی لیٹرز اور اسپتال کے بستر تیار کرنے والوں کو شامل کیا گیا ہے۔
اسکیم کے ذریعے قلیل معیارات کے اسپتال کے قیام اور موجودہ اسپتالوں میں توسیع کے لیے بھی ری فنانسنگ حاصل کی جاسکے گی۔
اسٹیٹ بینک نے کورونا سدباب اسکیم رواں سال مارچ میں متعارف کرائی تھی۔ اسکیم کے تحت اسپتالوں کو طبی سہولیات بہتر بنانےکے لیے 3 فیصد شرح پر 5 سالہ قرض جاری کیے جارہے ہیں۔
مرکزی بینک کے مطابق اسکیم کے ذریعے 2 جولائی سے 6 ارب 40 کروڑ روپے مالیت کے قرضوں کی منظوری دی جاچکی ہے۔
خیال رہے کہ گزشتہ دنوں اسٹیٹ بینک نے کورونا کے خلاف جنگ کے لیے اسپتالوں اور میڈیکل سینٹرز کو رعایتی قرض کی حد 20کروڑ روپے سے بڑھا کر 50 کروڑ روپے کردی تھی۔
مزید خبریں :
ملک میں سونا مزید سستا ہوگیا
20 دسمبر ، 2024
انٹربینک میں ڈالر پھر مہنگا ہوگیا
20 دسمبر ، 2024
انٹربینک میں روپے کے مقابلے ڈالر کی قدر میں اضافہ
19 دسمبر ، 2024
ملک میں سونےکی قیمت میں بڑی کمی، فی تولہ سونا کتنےکا ہوگیا؟
19 دسمبر ، 2024
