07 جولائی ، 2020 
کورونا وبا کے دوران عوام کے سودا سلف کا خرچہ 33 فیصد بڑھ گیا، گیلپ سروے
07 جولائی ، 2020
کورونا وائرس کی وبا کے دوران پاکستانی عوام کے بنیادی ضروریات پر اخراجات میں اضافہ ہوگیا ہے۔
اس بات کا انکشاف عوامی آراء جاننے کے حوالے سے معروف ادارے گیلپ کے حالیہ سروے میں ہوا ہے۔
گیلپ سروے کے مطابق کورونا وبا کے دوران عوام کے سودا سلف کا خرچہ 33 فیصد بڑھ گيا ہے جب کہ دواؤں اور گھریلو صفائی کے سامان پر ہونے والے اخراجات میں بھی 32، 32 فیصد اضافہ ہوا ہے۔
سروے کے مطابق شہریوں کے ٹیلی فون اور موبائل فون پر خرچ میں بھی 29 فیصد اضافہ ہوا ہے۔
سروے کے دوران 16 فیصد پاکستانیوں کا کہنا تھا کہ وہ اپنے اخراجات کو پورا کرنے کے لیے اضافی آمدنی کے ذرائع تلاش کررہے ہیں۔
اس سوال کے جواب میں کہ کیا آپ کو پچھلے 7 دنوں میں اخراجات پورے کرنے کے لیے گھر کی اشیاء فروخت کرنا پڑیں ؟ اس پر 7 فیصد افراد کا جواب ہاں میں تھا جب کہ 93 فیصد افراد نے اس سے انکار کیا۔
خیال رہے کہ ملک بھر میں کورونا سے متاثرہ افراد کی تعداد 2 لاکھ 34 ہزار سے تجاوز کرچکی ہے جب کہ 4 ہزار 839 افراد ہلاک ہوچکے ہیں۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
