27 جولائی ، 2020 
ایل ای ڈی ٹیکنالوجی والا جدید فیس ماسک متعارف
27 جولائی ، 2020
عالمی وبا کورونا وائرس نے ہم سب کی زندگیوں کے زاویے کو ہی بدل کر رکھ دیا ہے اور اب سب نے سماجی فاصلے اور احتیاطی تدابیر کو زندگی کا لازمی جزو بنا لیا ہے۔
کورونا وائرس سے بچاؤ کے لیے ماہرین کی جانب سے لوگوں کو ماسک لگانے کی ہدایت دی جا رہی ہے، اور یہ ماسک انسانوں کے ابلاغ میں ایک رکاوٹ بھی سمجھا جا رہا ہے۔
ماسک کی وجہ سے ہم ایک دوسرے کی شکل ٹھیک سے نہیں دیکھ پا رہے جب کہ ہمیں یہ بھی معلوم نہیں ہوتا کہ کون کس وقت مسکرا رہا ہے۔
ان تمام تر مسائل کو مدِ نظر رکھتے ہوئے متعدد کمپنیوں کی جانب سے ماسک میں جدت لائی جا رہی ہے اور اب حال ہی میں فیشن ڈیزائنر چیلسیا کلوکاس نے ٹیکنالوجی کا استعمال کرتے ہوئے ایک جدید ماسک تیار کیا ہے۔
فیشن ڈیزائنر ٹیکنالوجی کا استعمال کرتے ہوئے خاص کپڑے، ہوڈی اور دیگر کاسٹیومز بناتی ہیں لیکن کورونا وبا کی وجہ سے ان کا کاروبار بھی متاثر ہوا ہے جس کے بعد انہوں نے ماسک بنانے کا فیصلہ کیا۔
انہوں نے ایل ای ڈی کی مدد سے دو تہوں والا ایک خاص ماسک تیار کیا ہے جسے صاف کرنے کے ساتھ ساتھ چارج بھی کیا جا سکتا ہے۔
اس ایل ای ڈی فیس ماسک کی قیمت 95 ڈالر ہے جس کی خاص بات یہ ہے کہ آپ اس پر اپنی مرضی کے مطابق پیغام لکھ سکتے ہیں جو ایل ای ڈی کی وجہ سے ماسک پر جگمگاتا ہے۔
اس ماسک کو ایپ سے کنیکٹ کیا جاتا ہے جس کے بعد آب اس پر اپنی مرضی کا پیغام یا کوئی بھی خاکہ بنا سکتے ہیں جب کہ ماسک کا فیبرک ایسا ہے جس کو لگانے کے بعد آپ با آسانی سانس بھی لے سکتے ہیں۔
ماسک پر صارفین سماجی دوری سے متعلق پیغامات بھی لکھے جا سکتے ہیں جیسے، 6 فٹ دور رہیں وغیرہ، کیونکہ ماسک پہن کر ابلاغ میں رکاوٹ پیدا ہوتی ہے۔
مزید خبریں :
ناسا کا پارکر مشن سورج کے قریب ترین جانے میں کامیاب
4 گھنٹے پہلے
گوگل والٹ پیمنٹ سسٹم پاکستان آنے کیلئے تیار
5 گھنٹے پہلے
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
ملک میں انٹرنیٹ اسپیڈ بڑھانے کیلئے جدید کیبل آج منسلک ہوگی
24 دسمبر ، 2024
