Can't connect right now! retry

کھیل
11 اگست ، 2020

کاپی پینسل ہی پکڑنی ہے توکالج یا اسکول میں جاکر پڑھیں، میانداد آگ بگولہ

پاکستان کرکٹ ٹیم کے سابق کپتان جاوید میانداد نے پہلے ٹیسٹ میں قومی ٹیم کی شکست پر اپنے ردعمل میں کہا ہے کہ نا تجربہ کاری کی وجہ سے پاکستان جیتا ہوا میچ ہارگیا۔

جاوید میانداد کا کہنا ہے کہ 277 رنز چوتھی اننگز میں بنانا بہت مشکل ہوتاہے، شروع میں ہی اسپنر لگائے جاتے تومیچ جیت سکتے تھے، اسی گراؤنڈ میں ہم اسپنرزکے ساتھ کئی میچزجیت چکے ہیں۔

کوچنگ اسٹاف پر تنقید کرتے ہوئے سابق کپتان نے کہا ہے کہ ٹیم کے ساتھ ایسے لوگ لگا دیے ہیں جنہیں کاپی پینسل پکڑنے کا شوق ہے، کاپی پینسل پکڑنے کے بجائے کھلاڑیوں کو وہ بتائیں جوآنکھوں سے دیکھیں اور اگر کاپی پینسل ہی پکڑنی ہے توکالج یا اسکول میں جاکر پڑھیں۔

ادھر پاکستان کرکٹ ٹیم نے  ساؤتھمپٹن پہنچ کر دوسرے ٹیسٹ کی تیاریاں شروع کردی ہیں۔

قومی ٹیم نے  ساؤتھمپٹن میں پریکٹس کی اور اس دوران بیٹنگ، بولنگ اور فیلڈنگ پر خصوصی توجہ دی گئی۔

پاکستان اور انگلینڈ کے درمیان دوسرا ٹیسٹ 13 اگست سے شروع ہوگا۔

خیال رہے کہ 3 ٹیسٹ میچوں کی سیریز میں  انگلینڈ کو ایک صفر کی برتری حاصل ہے، پہلے ٹیسٹ میچ میں میزبان ٹیم نے پاکستان کو 3 وکٹوں سے باآسانی شکست دی تھی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM