کراچی: ڈیفنس اور کلفٹن کے رہائشیوں کا سی بی سی دفتر کے باہر احتجاج

کراچی: پانچ دن سے پانی میں گھرے ڈيفنس اور کلفٹن کے رہائشیوں کا صبر جواب دے گیا۔

ڈیفنس اور کلفٹن کے رہائشیوں نے کلفٹن کنٹونمنٹ بورڈ کے دفتر کے سامنے احتجاج کیا اور اس دوران مظاہرین نے شدید نعرے بازی کی۔

مظاہرین نے مطالبہ کیا کہ کلفٹن کنٹونمنٹ انتظامیہ صفائی ستھرائی کے انتظامات کو یقینی بنائے اور فلڈ ریلیف کے نام پرلیے گئے ٹیکس کا آڈٹ اور احتساب کیا جائے۔

اس کے علاوہ مظاہرین نے پانی کی نکاسی اور سڑکوں کی از سر نو تعمیرکا بھی مطالبہ کیا۔

اس موقع پر مظاہرین کا کہنا تھا کہ وہ کروڑوں روپے ٹیکس دیتے ہیں لہٰذا اب کوئی ٹیکس نہیں دیں گے۔

سی بی سی کے دفتر کے باہر احتجاج کو رکوانے کے لیے پولیس موقع پر پہنچ گئی جس سے پولیس اور مظاہرین میں  تکرار بھی ہوئی تاہم کنٹونمنٹ بورڈ حکام نے کچھ مظاہرین کو اندر بلالیا۔

کراچی: ڈیفنس، کلفٹن میں چار روز بعد بھی بجلی بحال نہ ہونے پر احتجاج

بجلی کی مسلسل بندش کے خلاف مظاہرہ کرنے والا ایک نوجوان ٹائر جلاتے ہوئے آگ کی لپیٹ میں آ گیا۔

’ڈیفنس اور کلفٹن کے علاوہ کسی علاقے میں بجلی بند نہیں‘

ڈیفنس کے6 علاقوں میں بجلی کی فراہمی معطل ہے اور ان علاقوں میں پانی کی نکاسی کے بعد 6 سے 12 گھنٹوں میں بجلی بحال ہوگی: ڈسٹری بیوشن ہیڈ کے الیکٹرک احسن انیس