Can't connect right now! retry

دنیا
05 ستمبر ، 2020

امریکا میں کورونا سے 4 لاکھ سے زائد ہلاکتوں کا خدشہ

امریکا میں رواں سال کے اختتام تک کورونا وائرس سے ہونے والی اموات کی تعداد 4 لاکھ سے زائد ہونے کا خدشہ ظاہر کیا جا رہا ہے۔

یہ خدشہ واشنگٹن کی انسٹی ٹیوٹ فار ہیلتھ یونیورسٹی نے کورونا وائرس کے حوالے سے اپنی رپورٹ میں ظاہر کیا ہے۔

امریکا میں اب تک 63 لاکھ سے زائد افراد کورونا وائرس سے متاثر ہو چکے ہیں جب کہ ہلاکتوں کی تعداد ایک لاکھ 92 ہزار ہو چکی ہے۔

یونیورسٹی کی رپورٹ میں خدشہ ظاہر کیا گیا ہے کہ  جنوری 2021 کے آغاز تک امریکا میں کورونا سے ہلاک ہونے والے افراد کی تعداد 4 لاکھ 10 ہزار تک پہنچ سکتی ہے جو کہ موجودہ ہلاکتوں کی تعداد کے دُگنا سے بھی زیادہ ہے۔

رپورٹ کے مطابق دسمبر تک امریکا میں کوروناسے ہلاکتوں کی تعداد یومیہ 850 سے بڑھ کر3 ہزار تک پہنچ سکتی ہے۔

 ماہرین کاکہنا ہےکہ ٹھنڈا،کم مرطوب موسم اور لوگوں کے گھروں میں رہنے کا دورانیہ بڑھنے سے بھی کورونا کیسز بڑھنے کاخدشہ ہے جب کہ امریکا میں کورونا سے بچاؤکی ویکسین نومبر سے پہلے عام استعمال کے لیے مہیا ہونے کا بھی امکان نہیں ہے۔

ماہرین کا مزیدکہنا ہےکہ اگر امریکی شہری فیس ماسک کا استعمال پابندی سے کریں تو امید ہے کہ یہ ہلاکتیں 30 فیصد کم ہو جائیں گی۔

خیال رہے کہ امریکا سمیت دنیا بھر میں کورونا ویکسین کی تیاری کا کام جاری ہے جب کہ امریکی دوا ساز ادارے نے رواں سال اکتوبر تک ویکسین کی تیاری کا امکان ظاہر کیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM