گھر میں چوری کے بعد بچے کو قتل کرنے والی ملازمہ عدالت میں پیش

کوئٹہ میں ملازمہ کے ہاتھوں مبینہ طور پر بچے کےقتل کے معاملے میں گرفتارملازمہ   کو جوڈیشل مجسٹریٹ کی عدالت میں پیش کردیا گیا۔

عدالت نے ملازمہ کو 5 روزہ ریمانڈ پر پولیس کے حوالے کردیا۔ کوئٹہ میں سمنگلی روڈ پر گھرمیں ملازمہ کے ہاتھوں مبینہ طور پر بچے کےقتل کے الزام میں گرفتار ملازمہ کو پولیس کی تحویل میں جوڈیشل مجسٹریٹ ہفتم کی عدالت میں پیش کیاگیا۔

مروہ کیس: بچی سے زیادتی کرنے والوں میں کچرا چننے والا بھی شامل، 2 اہم ملزمان گرفتار

ملزم فیضو اور عبداللہ افغانی ہیں، بچی کو قتل کرنے کے بعد بھی اس سے زیادتی کی گئی: پولیس

متعلقہ پولیس کے تفتیشی افسر نے عدالت سے ملازمہ کے جسمانی ریمانڈ کی استدعاکی جس پر عدالت نے ملازمہ کو پانچ روزہ جسمانی ریمانڈ پر پولیس کے حوالے کردیا۔

ملازمہ کو دو روز قبل بچے سعد شاہ کے قتل کے کیس میں نامزد کیاگیاہےجسے پولیس نے کوئٹہ کے نواحی علاقے سے گرفتار کیاتھا۔

ایف آئی آر کے مطابق نوکرانی نے چوری کی، بچہ کہیں اسے پہچان نہ جائے اس ڈر سے مبینہ طور پر تین سالہ بچے کو گلا گھونٹ کر اور پانی کے ٹب میں ڈال کر قتل کر دیا اور فرار ہوگئی۔