کسی بھی ملک سے سرد یا گرم کسی بھی قسم کی جنگ نہیں چاہتے، چینی صدر

چینی صدر شی جن پنگ کا کہنا ہے کہ چین کسی بھی ملک سے سرد یا گرم کسی بھی قسم کی جنگ نہیں چاہتا، کورونا وبا کے سیاسی مقاصد کے استعمال کو سختی سے مسترد ہونا چاہیے، کورونا وائرس کے خلاف سب کو متحد ہونا ہوگا۔

ٹرمپ نے جنرل اسمبلی سے خطاب میں بھی چین کو کورونا پھیلانے کا ذمہ دار قرار دے دیا

اقوم متحدہ کے سالانہ جنرل اسمبلی اجلاس سے خطاب میں ٹرمپ نے کہا کہ چین سے دنیا بھر میں کورونا وائرس پھیلانے کا حساب لیا جانا چاہیے

اقوام متحدہ جنرل اسمبلی سے ورچوئل خطاب میں چینی صدر کا کہنا تھا کہ کورونا وبا سے مقابلے کے لیے دنیا کو سائنسدانوں کی ہدایات پر عمل کرنا ہوگا، چین کی کورونا ویکسین آزمائش کے تیسرے مرحلے میں ہے۔

انہوں نے کہا کہ تیاری کے بعد ویکسین ترجیحی بنیادوں پر ترقی پذیر ممالک تک پہنچائی جائے گی اور دنیا میں لوگوں کی فلاح کے لیے دستیاب ہوگی۔

عالمی تنازعات ختم کرکے ہی کورونا کے خاتمے پر دھیان دے سکتے ہیں، انتونیو گوتریس

کورونا کے حوالے سے دنیا کو یکجہتی کا مظاہرہ کرنے کی ضرورت ہے ، ابھی اس وبا کے حوالے سے مزید چیلنجز باقی ہیں، سیکرٹری جنرل اقوام متحدہ

چینی صدر نے کہا کہ دنیا میں معیشت کو درپیش چیلنجز سے مل کر نمٹنا ہوگا، ممالک کے درمیان اختلافات بات چیت کے ذریعے حل ہونے چاہئیں، ماحولیاتی تبدیلیوں سے متعلق اقدامات پر عمل درآمد کی ضرورت ہے۔

خیال رہے کہ آج اقوام متحدہ سے خطاب میں امریکی صدر ڈونلڈ ٹرمپ نے کہا ہے کہ چین سے دنیا بھر میں کورونا وائرس پھیلانے کا حساب لیا جانا چاہیے۔

اس سے قبل اقوام متحدہ کے جنرل سیکرٹری انتونیو گوتریس نے بھی اپنے خطاب میں چین اور امریکا کا نام لیے بغیر کہا کہ دنیا کے تمام ممالک کو سرد جنگ اور تنازعات سے ہر ممکن طور پر بچنا ہوگا۔