Can't connect right now! retry

پاکستان
18 اکتوبر ، 2020

کراچی جلسہ: مولانا شہر قائد پہنچ گئے، مریم و دیگر آج پہنچیں گے

گزشتہ روز گوجرانوالا میں پی ڈی ایم کا پہلا جلسہ تھا جس کے بعد 18 اکتوبر کو کراچی میں جلسہ ہوگا— فوٹو: فائل

اتوار کو کراچی میں ہونے والے اپوزیشن کے حکومت مخالف جلسے کیلئے مریم نواز اور قمر زمان کائرہ سمیت کئی اپوزیشن رہنما آج دوپہر کراچی پہنچیں گے، پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان پہلے ہی کراچی پہنچ چکے ہیں۔

اپوزیشن اتحاد پاکستان ڈیموکریٹک موومنٹ اور جمعیت علمائے اسلام کے سربراہ مولانا فضل الرحمان نجی ائیرلائن کے ذریعے ہفتہ کی شام لاہور سے کراچی پہنچے، ائیرپورٹ پر جے یو آئی کے رہنماؤں نے ان کا استقبال کیا۔

مسلم لیگ ن اور پیپلز پارٹی سے تعلق رکھنے والے اپوزیشن رہنما آج دوپہر پی آئی اے کی پرواز کے ذریعے لاہور سے کراچی پہنچیں گے۔

مسلم لیگ ن کی رہنما مریم نواز ، کیپٹن (ر) محمد صفدر ، مریم اورنگ زیب اور پیپلز پارٹی کے رہنما قمر زمان کائرہ پی آئی اے کی پرواز پی کے 303 سے اتوار کی دوپہر پونے ایک بجے لاہور سے کراچی پہنچیں گے۔

مسلم لیگ ن اور پیپلز پارٹی کے یہ رہنما پیر 19 اکتوبر کو پی آئی اے ہی کی پرواز پی کے 306 کے ذریعے واپس لاہور روانہ ہوجائیں گے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM