مسکن چورنگی پر دھماکا قدرتی گیس کی لیکیج سے ہوا: بی ڈی ایس رپورٹ

کراچی: بم ڈسپوزل اسکواڈ نے مسکن چورنگی دھماکے کو قدرتی گیس کا دھماکا قرار دے دیا۔

جیو نیوز نے گلشن اقبال مسکن چورنگی کے قریب رہائشی عمارت میں ہونے والے دھماکے کی ابتدائی رپورٹ حاصل کرلی۔

ابتدائی رپورٹ کے مطابق بم ڈسپوزل اسکواڈ کا کہنا ہےکہ مسکن چورنگی میں ہونے والا دھماکا قدرتی گیس لیکیج سے ہوا ہے اور جائے وقوعہ سے چولہے کا برنرملا ہے جو پولیس کے حوالے کردیا گیا ہے۔

بم ڈسپوزل اسکواڈ کا کہنا ہے کہ جائے وقوعہ سے کسی قسم کا کوئی بارودی مواد برآمد نہیں ہوا اور کسی دھماکا خیز ڈیوائس کے شواہد بھی نہیں ملے۔

دوسری جانب ترجمان سوئی سدرن نے دعویٰ کیا ہےکہ مسکن چورنگی پر ہونے والا دھماکا گیس لیکیج سے نہیں ہوا۔

کراچی میں مسکن چورنگی پر دھماکا، 5 افراد جاں بحق اور متعدد زخمی

دھماکا 4 منزلہ عمار ت میں ہوا جس سے بلڈنگ دو فلور مکمل طور پر تباہ ہوگئے، دھماکے سے قریبی عمارتوں کے بھی شیشے ٹوٹ گئے

مسکن چورنگی دھماکا گیس پائپ لائن لیکیج کا نتیجہ نہیں: ترجمان سوئی سدرن

دھماکے سے متاثرہ عمارت کی گیس بند کردی گئی ہے: ترجمان سوئی سدرن