Can't connect right now! retry

دلچسپ و عجیب
27 اکتوبر ، 2020

ویڈیو— لائیو جانے سے چند سیکنڈز پہلے چور رپورٹر کا فون لے اُڑا

لائیو رپورٹنگ کے دوران اکثر ایسے انوکھے وقعات رونما ہو جاتے ہیں جنہیں کیمرا کی آنکھ محفوظ کرلیتی ہے۔

حال ہی میں ارجنٹینا کے ایک ٹی وی رپورٹر کے ساتھ لائیو کوریج سے چند سیکنڈز پہلے ایک انوکھا واقعہ پیش آیا اور ایک چور ان کا موبائل لے کر فرار ہوگیا اور یہ منظر کیمرے نے محفوظ کر لیا۔

کیمرے میں محفوظ ہونے والی فوٹیج میں دیکھا جا سکتا ہے کہ ٹی وی رپورٹر لائیو جانے کے لیے تیار کھڑے تھے کہ اچانک ایک چور ان کے ہاتھوں سے موبائل فون چھین کر تیزی سے بھاگنے لگتا ہے۔

فوٹیج میں دیکھا جا سکتا ہے کہ جیسے ہی چور رپورٹر کے ہاتھ سے ان کا موبائل چھین کر بھاگنے لگتا ہے تو وہ بھی اپنا فون لینے کے لیے اس کے پیچھے بھاگتے ہیں۔

لیکن خوش قسمتی سے وہاں پر موجود چند لوگوں میں سے ایک (جنہوں یہ پورا منظر اپنی آنکھوں سے دیکھا تھا) نے فوراً موبائل چرانے والے کو پہچان لیا اور وہ جانتا تھا کہ موبائل چرانے والا نوجوان کہاں رہتا ہے اور وہ اس کے پاس جا کر رپورٹر کا فون واپس لینے میں کامیاب ہوگیا۔

بعدازاں وہاں موجود لوگوں نے رپورٹر سے معافی مانگی کیونکہ جس نوجوان نے رپورٹر کا فون چرایا تھا وہ وہیں کا رہائشی تھا۔

اس تمام تر واقعے کے بعد ٹی وی رپورٹر کا کہنا تھا کہ وہ اس واقعے کی شکایت پولیس کو نہیں کریں گے، انہیں بس اپنا فون واپس چاہیے تھا جو کہ انہیں مل گیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM