اورنج لائن منصوبہ سی پیک کا اہم حصہ ہے: چین

چین نے اورنج لائن ٹرین منصوبے کو پاک چین شراکت داری کا اہم مظہر قرار دیا ہے۔

ترجمان چینی وزارت خارجہ کی جانب سے جاری بیان میں کہا گیا ہے کہ  اورنج لائن ٹرین منصوبہ سی پیک کا اہم حصہ ہے، سی پیک منصوبوں پرپاکستان کے ساتھ کام جاری رہے گا۔

خیال رہے کہ دو روز قبل وزیراعلیٰ پنجاب سردار عثمان بزدار نے اورنج لائن میٹرو ٹرین منصوبے کا افتتاح کیا تھا۔

وزیراعلیٰ پنجاب نے اورنج لائن میٹرو ٹرین کا افتتاح کر دیا

ماضی کے منصوبوں کی تکمیل کر کے ایک نئی روایت قائم کی ہے: وزیراعلیٰ عثمان بزدار

اورنج ٹرین کا ٹریک 27.1 کلومیٹر طویل اور 26 اسٹیشنز پر مشتمل ہے، ٹرین کے تمام راستوں پر اور ٹرین کے اندر کیمرے نصب ہیں۔

واضح رہے کہ حکومت پنجاب کی جانب سے اورنج لائن میٹرو ٹرین کا یکطرفہ کرایہ 40 روپے رکھا گیا ہے جب کہ شہری صبح ساڑھے 7 سے رات ساڑھے 8 بجے تک ٹرین میں سفر کر سکیں گے۔