Can't connect right now! retry

پاکستان
30 اکتوبر ، 2020

پاکستان: کورونا کیسز میں مسلسل اضافہ، تقریباً 3 ماہ بعد ایک روز میں سب سے زیادہ ہلاکتیں

پاکستان میں کورونا کیسز مثبت آنے کی شرح مسلسل دوسرے روز تین فیصد سے زائد رہی جب کہ تقریباً تین ماہ بعد ملک میں کورونا سے ایک روز میں سب سے زیادہ ہلاکتیں ہوئیں اور سب سے زیادہ کیسز بھی رپورٹ ہوئے ہیں۔

پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 32933 ٹیسٹ کیے گئے جن میں 1078 افراد میں کورونا وائرس کی تصدیق ہوئی جب کہ وائرس سے مزید 20 افراد انتقال کرگئے۔

این سی او سی کے مطابق ملک میں گزشتہ 70 روز کے بعد سے کورونا ٹیسٹ مثبت آنے کی شرح بڑھی ہے اور اب مسلسل دوسرے روز مثبت کیسز کی تعداد 3 فیصد سے زائد رپورٹ ہوئی ہے۔

سرکاری پورٹل کے مطابق پاکستان میں 29 اکتوبر کو کورونا سے ایک روز میں 20 ہلاکتیں رپورٹ ہوئیں جو 6 اگست کے بعد ایک روز میں سب سے زیادہ ہونے والی ہلاکتیں ہیں، 6 اگست کو پاکستان میں ایک روز کے دوران کورونا سے 21 اموات ہوئی تھیں۔

ملک میں 29 جولائی کو ایک روز میں کورونا کے 1063 کیسز رپورٹ ہوئے تھے جس کے بعد اب گزشتہ 24 گھنٹوں کے دوران تین ماہ بعد ایک روز میں سب سے زیادہ 1078 کیسز سامنے آئے ہیں۔

سرکاری پورٹل کے مطابق ملک میں کورونا کیسز سے ہلاکتوں کی تعداد 6795 ہوگئی ہے جب مجموعی کیسز 3 لاکھ 32186 تک جا پہنچے ہیں۔

اسکرین شاٹ سرکاری پورٹل

اس کےعلاوہ 24 گھنٹوں کے دوران ملک بھر میں 889 مریض کورونا سے صحتیاب بھی ہوئے ہیں۔

صوبوں کی صورتحال

سرکاری پورٹل کے مطابق سندھ میں کورونا کے مریضوں کی مجموعی تعداد 145238 ہوگئی ہے جب کہ 2620 افراد اب تک انتقال کرچکے ہیں۔

پنجاب میں کورونا کے کل مریضوں کی تعداد 103831 ہے اور 2354 افراد وائرس میں مبتلا ہوکر جان سے جاچکے ہیں جب کہ بلوچستان میں مریضوں کی کل تعداد 15887 اور ہلاکتیں 149 ہوچکی ہیں۔

خیبرپختونخوا میں کورونا کے مریضوں کی تعداد 39361 اور 1276 ہلاکتیں ہوچکی ہیں جب کہ آزاد کشمیر میں 4046 افراد وائرس میں مبتلا ہوچکے ہیں اور 89 افراد انتقال کرگئے۔

اس کے علاوہ گلگت بلتستان میں اب تک کورونا کے مریضوں کی تعداد 4229 اور 92 افراد انتقال کرچکے ہیں۔

پورٹل کے مطابق وفاقی دارالحکومت اسلام آباد میں کورونا کے مریضوں کی مجموعی تعداد 19594 ہے اور اب تک 215 مریض انتقال کرچکے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM