08 نومبر ، 2020 
امریکی نشریاتی ادارے کے میزبان جو بائیڈن کی جیت پر نشریات کے دوران رو پڑے
08 نومبر ، 2020
امریکی نشریاتی ادارے سی این این کے میزبان وین جونز جو بائیڈن کی جیت پر نشریات کے دوران رو پڑے۔
سی این این کے میزبان وین جونز نے جو بائیڈن کی جیت پر نشریات کے دوران جذباتی ہوتے ہوئے کہا کہ آج امریکا کے لیے بہت بڑا دن ہے، آج اس ملک میں تارکین وطن، سیاہ فام اور مسلمانوں سمیت بہت سے لوگوں نے سکھ کا سانس لیا ہوگا، میں سانس نہیں لے سکتا، یہ صرف جارج فلوائیڈ کی ہی نہیں جانے کتنے لوگوں کی آواز تھی، جانے کتنے لوگوں کی سانس رکی ہوئی تھی۔
وین جونز نے کہا کہ اب امریکا میں مسلمانوں کو اس بات پر پریشان ہونے کی ضرورت نہیں کہ آپ کے صدر کو آپ کا امریکا میں ہونا پسند نہیں، اگر آپ مہاجر ہیں تو آپ کو اس بات کا خوف نہیں کہ آپ کا صدر اس بات پر خوش ہو گا کہ آپ کا بچہ آپ سے چھین لیا جائے۔
انہوں نے کہا کہ آج اس ملک میں باپ کے لیے آسان ہے کہ وہ اپنے بچوں کو بتائے کہ کردار کی کیا اہمیت ہے، ایک اچھا انسان ہونا کتنا اہم ہے۔
سی این این کے میزبان نے مزید کہا کہ یہ امریکیوں کے لیے امن کا اور چیزوں کو دوبارہ شروع کرنے کا موقع ہے۔
خیال رہے کہ امریکا کے صدارتی انتخاب میں ڈیموکریٹک امیدوار جو بائیڈن نے ڈونلڈ ٹرمپ کے مقابلے میں ناقابل شکست برتری حاصل کر لی ہے اور اب وہ امریکا کے 46 ویں صدر ہوں گے۔
مزید خبریں :
مزید 2 ممالک آئندہ سال شینگن ممالک کا حصہ بننے کو تیار
12 گھنٹے پہلے
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
