لاہور جلسہ، نیکٹا اور دیگر اداروں کی طرف سے الرٹ ہے: صوبائی وزیر قانون

صوبہ پنجاب کے وزیر برائے قانون پنجاب راجا بشارت نے کہا ہے کہ پاکستان ڈیموکریٹک موومنٹ (پی ڈی ایم) کے لاہور جلسے کی سیکیورٹی سے متعلق نیشنل کاؤنٹرٹیررازم اتھارٹی (نیکٹا) اور دیگر اداروں کی طرف سے الرٹ ہے جس سے پی ڈی ایم کی قیادت کو آگاہ کردیا گیا ہے۔

پی ڈی ایم کا لاہور میں جلسہ، مینار پاکستان میں تیاریاں زور و شور سے جاری

مینارِ پاکستان کی سیڑھیوں میں اسٹیج تیار کیا جا رہا ہے، جلسے کیلئے جنریٹرز اور لائٹس بھی نصب کر دی گئی ہیں اور ساؤنڈ سسٹم بھی لگایا جا رہا ہے

صوبائی وزیر کا کہنا تھا کہ سیاسی کارکنان کی گرفتاریوں کا پروپیگنڈا بے بنیاد ہے۔

انہوں نے کہا کہ نیشنل کمانڈ اینڈ آپریشن سینٹر (این سی او سی) کی ہدایات کی روشنی میں پی ڈی ایم کو جلسے کی اجازت نہیں دی۔

راجا بشارت کا کہنا تھا کہ سیکیورٹی سے متعلق نیکٹا اور دیگر اداروں کی طرف سے الرٹ ہے جس سے پی ڈی ایم کی قیادت کو آگاہ کردیا گیا ہے۔

انہوں نے مزید کہا کہ اپوزیشن تصادم چاہتی ہے لیکن حکومت یہ موقع فراہم نہیں کرے گی جبکہ قانون ہاتھ میں لینے والوں کے خلاف کارروائی ہوگی۔

خیال رہے کہ اپوزیشن اتحاد پاکستان ڈیموکریٹک موومنٹ (پی ڈی ایم) کی جانب سے کل لاہور میں مینار پاکستان پر عوامی قوت کا مظاہرہ کیا جائے گا۔