24 جنوری ، 2021 
بھارتی کسانوں نے ایک بار پھر جھانوی کپور کی فلم کی شوٹنگ رکوا دی
24 جنوری ، 2021
بھارتی کسانوں نے ایک بار پھر بالی وڈ کے معروف ہدایت کار بونی کپور کی بیٹی جھانوی کپور کی فلم 'گُڈ لک جیری' کی شوٹنگ رکوا دی۔
بھارتی میڈیا کے مطابق کسان بھوپندرا روڈ پر جھانوی کپور کی فلم کے سیٹ پر آ پہنچے جس کی وجہ سے فلم کی شوٹنگ ایک بار پھر روک دی گئی۔
رپورٹس کے مطابق مشتعل کسانوں نے فلم کے سیٹ پر پہنچ کر 'جھانوی کپور واپس جاؤ' کے نعرے لگانا شروع کر دیے جس کی وجہ سے فلم 'گُڈ لک جیری' کی شوٹنگ کو روک دیا گیا۔
مشتعل کسانوں کی وجہ سے فلم کی شوٹنگ کو فوراً روک دیا گیا اور جھانوی کپور فلم کی کاسٹ اور کریو سمیت واپس ہوٹل چلی گئیں۔
خیال رہے کہ اس سے قبل 11 جنوری کو بھی پنجاب کے علاقے فتح گڑھ صاحب میں فلم 'گڈ لک جیری' کی شوٹنگ کے دوران ایسا ہی واقعہ پیش آیا تھا۔
واضح رہے کہ بھارت میں کسان کئی ہفتوں سے کسان مخالف نئے زرعی قوانین کے خلاف احتجاج کررہے ہیں اور سیکڑوں کسانوں نے نئی دہلی کے مختلف راستوں پر دھرنا دے رکھا ہے۔
کسانوں اور حکومت سے مذاکرات کے کئی دور ناکام ہوچکے ہیں اور بھارتی حکومت کے ظالمانہ تشدد کے باوجود کسان اپنے مطالبات سے پیچھے ہٹنے کو تیار نہیں۔
مزید خبریں :
فلم ’ جاٹ ‘ کی ریلیز کے ساتھ ہی سنی دیول مشکل میں پھنس گئے
18 اپریل ، 2025
