31 جنوری ، 2021 
کیا عائزہ خان ترکی کے ڈراموں میں کام کرنے جارہی ہیں؟
31 جنوری ، 2021
حال ہی میں اداکارہ عائزہ خان نے مداحوں کو خوشخبری سنائی تھی کہ وہ انسٹاگرام پر 8 ملین فولورز کے ساتھ پاکستان میں سب سے زیادہ فالو کی جانے والی شخصیت بن گئی ہیں۔
اب اداکارہ کی جانب سے سوشل میڈیا پلیٹ فارم انسٹاگرام پر ایک ویڈیو شیئر کی گئی ہے جس میں اداکارہ چہرے پر پاکستان اور ترکی کے جھنڈوں کے ساتھ تیار کسٹمائز ماسک پہنے ہوئے ہیں ۔
اداکارہ نے اسٹوری شیئر کرتے ہوئے کیپشن درج کیا کہ ’پاکستان اور تُرکی۔‘
عائزہ نے ویڈیو اسٹوری کے کیپشن میں مزید درج کیا کہ ’’ تفصیلات سے آگاہ رہنے کے لیے ساتھ رہیں۔‘
عائزہ خان کی انسٹا اسٹوری دیکھنے کے بعد اُن کے مداح یہ جاننے کے لیے بےچین ہورہے ہیں کہ آخر وہ اصل میں کونسا پراجیکٹ کرنے والی ہیں۔
تاہم اب تک اداکارہ کی جانب سے ترکی کے ڈراموں میں کام کرنے کے حوالے سے کوئی واضح بیان سامنے نہ آسکا ہے۔
