سینیٹ الیکشن: اگرآئین کہتا ہے خفیہ ووٹنگ ہوگی تو بات ختم، چیف جسٹس

سپریم کورٹ میں سینیٹ انتخابات اوپن بیلٹ  سے کرانے سے متعلق صدارتی ریفرنس کی سماعت ہوئی۔

اوپن بیلٹ ریفرنس: کیس کل مکمل نہ ہوا تو 3 مارچ کو الیکشن نہیں ہوسکے گا، اٹارنی جنرل

کیا ایسا کوئی نظام نہیں کہ معلوم ہو سکے کس نےکس کو ووٹ دیا؟ رشوت ووٹ سے جڑی ہے تو اس کا جائزہ کیسے نہیں لیا جاسکتا؟ چیف جسٹس

سماعت کے دوران چیف جسٹس گلزار احمد نے ریمارکس دیے کہ سپریم کورٹ قراردے گی کہ آئین کا آرٹیکل 226 سینیٹ الیکشن پرلاگوہوتا ہے یا نہیں ؟ آرٹیکل 226 کے تحت تمام الیکشن خفیہ رائے شماری سے ہوتے ہیں یا نہیں؟ اگرآئین کہتا ہے خفیہ ووٹنگ ہوگی تو بات ختم۔

انہوں نے کہا کہ سپریم کورٹ پارلیمان کا متبادل نہیں، پارلیمان کا اختیار اپنے ہاتھ میں نہیں لیں گے، ریاست کے ہر ادارے کو اپنا کام حدود میں رہ کرکرنا ہے،  ووٹنگ کےلیے کیا طریقہ کاراپنانا ہے ؟ کتنی سیکریسی ہونی چاہیے؟ یہ فیصلہ پارلیمنٹ کرے گی۔