ملکہ برطانیہ کے شوہر شہزادہ فلپ دل کی کامیاب سرجری کے بعد گھر منتقل

ملکہ برطانیہ الزبتھ دوم کے شوہر شہزادہ فلپ کو دل کی کامیاب سرجری کے بعد گھر منتقل کردیا گیا۔

برطانوی میڈیا رپورٹس کے مطابق ملکہ الزبتھ دوم کے 99 سالہ شوہر شہزادہ فلپ کو 4 ہفتوں بعد اسپتال سے گھر منتقل کیا گیا ہے۔

رپورٹس کے مطابق شہزادہ فلپ کو 4 ہفتے قبل انفیکشن ہونے پر مقامی نجی اسپتال میں منتقل کیا گیا تھا جہاں وہ زیر علاج رہے۔

ملکہ برطانیہ کے شوہر شہزادہ فلپ مزید کئی دن اسپتال میں رہیں گے، بکھنگم پیلس

شہزادہ فلپ کو اسپتال میں انفیکشن کے سلسلے میں میڈیکل ٹریٹمنٹ دی جارہی ہے اور وہ آرام دہ اور پرسکون ہیں، برطانوی شاہی محل

تاہم بعد میں انہیں سرکاری اسپتال منتقل کیا گیا تھا۔

برطانوی شاہی محل بکھنگم پیلس کی جانب سے جاری بیان میں کہا گیا ہے کہ شہزادہ فلپ کی دل کی کامیاب سرجری کے بعد گھر منتقل کیا گیا ہے جبکہ انہوں نے اسپتال میں 4 ہفتے گزارے ہیں۔

ترجمان نے کہا کہ شہزادہ فلپ خود چل کر کار میں پہنچے اور انہوں نے بہترین علاج معالجے پر اسپتال کا بھی شکریہ ادا کیا۔ 

واضح رہےکہ شہزادہ فلپ اور الزبتھ دوم کی شادی 1947 میں ہوئی تھی اور دونوں کے 4 بچے ہیں۔