20 مارچ ، 2021 
واٹس ایپ اور انسٹاگرام کی بندش سے متعلق فیس بک کی وضاحت
20 مارچ ، 2021
گزشتہ روز 10 لاکھ سے زائد سوشل میڈیا صارفین کو واٹس ایپ اور انسٹاگرام کی بندش کا سامنا کرنا پڑا تھا تاہم یہ کیوں ہوا؟ اس حوالے سے فیس بک نے اب وضاحتی بیان جاری کر دیا ہے۔
فیس بک ترجمان کے مطابق کمپنی اس تکنیکی مسئلے کو حل کر چکی ہے جس کے باعث گزشتہ روز لاکھوں واٹس ایپ اور انسٹاگرام صارفین کو مشکلات کا سامنا کرنا پڑا۔
خیال رہے کہ زیر غور تکنیکی مسئلے کے باعث کمپنی کی آن لائن پیغامات کی خدمات واٹس ایپ اور میسنجر متاثر ہوئی تھی جس کے باعث گزشتہ روز#whatsappoutage ٹوئٹر پر ٹرینڈ کرتا رہا۔
ڈاؤن ڈی ٹیکٹر ڈاٹ کام کی ایک رپورٹ کے مطابق تقریباً 20 ہزار واٹس ایپ اور 10 لاکھ انسٹاگرام صارفین کی جانب سے سوشل میڈیا سائٹس میں مسائل کی پوسٹ کی گئیں۔
گزشتہ روز واٹس ایپ اور انسٹاگرام صارفین سمیت فیس بک کے مسینجر صارفین کی جانب سے پیغامات بھیجنے اور وصول کرنے میں مشکلات کا سامنا کرنے کی شکایات موصول ہوئی تھی۔
اس حوالے سے واٹس ایپ کی جانب سے ٹوئٹر پر ٹوئٹ کرکے سروس بحالی کا بتایا گیا اور کہا کہ سروس کی معطلی 45 منٹ تک برداشت کرنے کا شکریہ لیکن اب سروس بحال کردی گئی ہے۔
مزید خبریں :
یوٹیوب نے صارفین کو کمانے کا ایک نیا ذریعہ فراہم کر دیا
15 نومبر ، 2024
واٹس ایپ میں نیا ڈرافٹ فیچر متعارف، استعمال کا طریقہ بھی جانیں
15 نومبر ، 2024
یورپی کمیشن نے میٹا پر 78 کروڑ یورو سے زائد جرمانہ عائد کر دیا
15 نومبر ، 2024
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
