پیپلزپارٹی ساتھ نہ بھی چلے تو پی ڈی ایم مضبوط رہے گی: رانا تنویر

لاہور: مسلم لیگ (ن) کے رکن قومی اسمبلی رانا تنویر حسین کا کہنا ہے کہ پی ڈی ایم ایک ایجنڈے پر بنی تھی اور  پیپلزپارٹی پی ڈی ایم سے علیحدہ نہیں ہو سکتی لیکن  پیپلزپارٹی ساتھ نہ بھی چلے تو پی ڈی ایم مضبوط رہے گی۔

مریدکے میں جیو نیوز سے گفتگو کرتے ہوئےرانا تنویر نے کہاکہ این اے 75 ڈسکہ میں کوئی مقابلہ نہیں، لوگ پی ٹی آئی کو ووٹ نہیں دینا چاہتے، ان شااللہ ڈسکہ الیکشن میں مسلم لیگ (ن) واضح برتری حاصل کرے گی۔

انہوں نے  کہا کہ این اے 75  پر سپریم کورٹ اور الیکشن کمیشن کا فیصلہ خوش آئند ہے، اسی طرح فیصلے ہوتے رہے تو ادارے مضبوط بھی ہوں گے اور ان کا وقار بھی بلند ہوگا۔

رانا تنویر حسین کا کہنا تھا کہ رمضان المبارک کے بعد پی ڈی ایم تحریک چلائےگی، پی ڈی ایم ایک ایجنڈے پر بنی تھی اور پیپلزپارٹی پی ڈی ایم سے علیحدہ نہیں ہو سکتی،  پیپلز پارٹی نےسینیٹ الیکشن میں ایسا عمل کیا جس سے خدشات پیدا ہوئے  لیکن پیپلزپارٹی ساتھ نہ بھی چلے تو پی ڈی ایم مضبوط رہے گی۔

پی پی کا سی ای سی کا اجلاس ملتوی کرنا پی ڈی ایم چھوڑنے کا اعلان ہے، احسن اقبال

پیپلزپارٹی بی اے پی اور جماعت اسلامی کے ساتھ الائنس بناکر عملاً پی ڈی ایم سے علیحدہ ہوچکی، جنرل سیکرٹری ن لیگ

'جنہوں نےگیلانی کو نااہل کروایا، انہی کے ووٹوں سے ہم گیلانی کو پارلیمنٹ میں لےآئے'

ان لوگوں کے ساتھ کام کیا جنہوں نے آصف زرداری پر تشدد کیا،11 سال جیل میں رکھا، بلاول بھٹو زرداری کا ذوالفقار علی بھٹو کی برسی کی تقریب سے خطاب