بالی وڈ اداکارہ اپنی غلط پلاسٹک سرجری کے معاملے پر بول پڑیں

بالی وڈ اداکارہ اور ماڈل کوئنا مترا اپنی پلاسٹک سرجری کے حوالے سے ہونے والی افواہوں پر بالآخر بول پڑیں۔

خیال رہےکہ کوئنا مترا نے  چند سال قبل پلاسٹک سرجری کروائی تھی جس کے بعد جب وہ میڈیا کے سامنے آئیں تو انہیں سوشل میڈیا پر شدید ٹرولنگ کا سامنا کرنا پڑا اور یہ افواہ پھیل گئی کہ کوئنا مترا کی سرجری غلط ہوگئی ہے جس کے باعث ان کا حلیہ بگڑ گیا ہے۔

جب لوگ سرجری کرانےکا مشورہ دیتے ہیں تو بہت برا لگتا ہے، الیانا ڈی کروز

سوشل میڈیا پر لوگ میسجز کرکے کہتے ہیں کہ اپنی سرجری کرالو اور فلاں فلاں چیز ٹھیک کرالو ، سمجھ نہیں آتا کہ ایسے لوگوں کو کیا جواب دوں، بالی وڈ اداکارہ

اس کے بعد کوئنا مترا بالی وڈ سے بھی غائب ہوگئی تھیں تاہم اب انہوں نے ایک انٹرویو میں واضح کیا ہے کہ ان کی سرجری میں کوئی غلطی نہیں ہوئی تھی بلکہ ان کے جسم نے جو ردعمل دیا اس کے باعث ان کے گالوں کی ہڈیاں سوج گئی تھیں اور ٹانگوں پر بھی سوجن ہوگئی تھی۔

اداکارہ نے بتایا کہ وہ ان کا پہلا تجربہ تھا اس لیے انہیں پتہ نہیں تھا کہ ان کا جسم کیسا ردعمل دے گا، چہرے اور ٹانگوں کی سوجن ختم ہونے میں ڈیڑھ سال کا عرصہ لگ گیا۔