07 مئی ، 2021 
مالی بحران کا شکار بھارتی میوزک ڈائریکٹر ونراج بھاٹیا انتقال کرگئے
07 مئی ، 2021
بھارت کے نیشنل ایوارڈ یافتہ مقبول میوزک ڈائریکٹر ونراج بھاٹیا 93 سال کی عمر میں انتقال کرگئے۔
بھارتی میڈیا کے مطابق ونراج بھاٹیا کو کئی عرصے سے صحت کے مختلف مسائل کا سامنا تھا اور 7 مئی کی صبح میوزک کمپوزر ممبئی میں واقع اپنی رہائش گاہ پر انتقال کرگئے۔
میڈیا رپورٹ میں بتایا گیا ہے کہ ونراج مالی بحران کا شکار تھے حتیٰ کہ انہیں اس بحران سے نمٹنے کے لیے اپنے گھر کا سامان بھی فروخت کرنا پڑاتھا، ونراج غیر شادی شدہ تھے۔
خیال رہے کہ ونراج بھاٹیا نے اپنے کیرئیر میں سنیما، اشتہار، ٹیلی ویژن اور اسٹیج کی دنیا کے لیے کئی میوزک کمپوز کیے، ونراج بھاٹیا مینتھن، بھومیکا،جانے بھی دو یارو سمیت متعدد فلموں کے لیے موسیقی تیار کرچکے ہیں۔
ونراج کو بھارت کی مغربی کلاسیکی موسیقی کا پہلا کمپوزر بھی کہا جاتا ہے۔
مزید خبریں :
سوناکشی کو کس اداکار نے بڑی عمر کا کہہ کر فلم سے نکلوایا تھا؟
20 دسمبر ، 2024
