24 مئی ، 2021 
حنا خان کا والدہ کیلئے جذباتی پیغام
24 مئی ، 2021
بھارتی ڈراموں اور فلموں سمیت کئی میوزک ویڈیوز میں اپنی اداکاری کا جلوہ بکھیرتی حنا خان نے اپنی والدہ کیلئے جذباتی پیغام شیئر کیا ہے۔
حنا خان نے انسٹاگرام پر کچھ کینڈڈ تصاویر شیئر کیں جس میں وہ اپنی والدہ کے ہمراہ گھر کی بالکونی میں کھڑی ہیں۔
اداکارہ نے پوسٹ کا کیپشن ایک نظم کی شکل میں تحریر کیا اور والدہ سے بے لوث محبت کا بھی اظہار کیا۔
انہوں نے لکھا 'ماں! تیری خوشی میری خواہش، تیری حفاظت میرا حق، میں کوئی تھیراپسٹ نہیں ہوں ماں لیکن وعدہ کرتی ہوں، میں آپ کا خیال رکھوں گی، آپ کے آنسو صاف کروں گی اور آپ کو سنوں گی، ہمیشہ'۔
اداکارہ کی اس پوسٹ پر مداح ان کی فیملی کیلئے نیک تمناؤں کا اظہار کررہے ہیں۔
واضح رہے گزشتہ ماہ حنا خان کے والد دل کا دورہ پڑنے کے سبب انتقال کرگئے تھے۔ اداکارہ والد کے دنیا سے رخصت ہونے پر کافی رنجیدہ ہیں اور گاہے بگاہے انسٹاگرام پر ان کی یاد میں پوسٹ شیئر کرتی رہتی ہیں۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
