08 جون ، 2021 
’چھوٹے کاروباروں کیلئے فنانسنگ اسکیم شروع کررہے ہیں‘
08 جون ، 2021
کراچی: گورنر اسٹیٹ بینک رضا باقر کا کہنا ہے کہ کاٹیج انڈسٹری سمیت چھوٹے کاروبار کے لیے 10 ملین روپے تک فنانسنگ اسکیم شروع کی جارہی ہے جس میں گارنٹی کی ضرورت نہیں ہوگی۔
لاہور چیمبرکے صدرمیاں طارق مصباح اور دیگر عہدیداروں نے گورنر اسٹیٹ بینک رضا باقر سے ملاقات کی جس دوران رضا باقر نے کہا کہ ایس ایم ای فنانسنگ اسکیم کے لیے بینکوں کو گارنٹی حکومت دےگی جب کہ مارک اپ 24 فیصد کی بجائے صرف 9 فیصد ہوگا۔
انہوں نے کہا کہ نیاکاروبار کر نے والوں کے لیے فارن ایکسچینج قوانین میں نرمی کی گئی ہے اور آئی ٹی کمپنیوں کی ادائیگی امور نمٹانے کے لیے بینکوں کو اختیارات دیےگئے ہیں۔
گورنر اسٹیٹ بینک کا کہنا تھا کہ آئی ٹی کمپنیاں بیرون ملک سے اب 2 لاکھ ڈالرتک خدمات حاصل کرسکتی ہیں جب کہ پہلے یہ حد 10 ہزار ڈالر تھی ۔
انہوں نے مزید کہا کہ کورونا کے دوران ترقی یافتہ ملکوں میں ڈیبٹ ٹوجی ڈی پی ریشو میں 10 سے 15 فیصد اضافہ ہوا جب کہ حکومت پاکستان کی بہترین پالیسیوں کے باعث پاکستان میں ڈیبٹ ٹوجی ڈی پی ریشو میں کوئی اضافہ نہیں ہوا۔
مزید خبریں :
پاکستان کی پیٹرولیم مصنوعات کی مجموعی درآمدات میں کمی
17 نومبر ، 2024
ملکی غذائی اجناس کی برآمدات میں مسلسل چوتھے ماہ اضافہ ریکارڈ
17 نومبر ، 2024
ملک میں سونےکی قیمت میں کمی، فی تولہ قیمت کیا ہوگئی؟
16 نومبر ، 2024
حکومت کا پیٹرولیم مصنوعات کی قیمتیں برقرار رکھنے کا فیصلہ
15 نومبر ، 2024
ملک میں سونے کی فی تولہ قیمت میں سیکڑوں روپے کا اضافہ
15 نومبر ، 2024
