غصیلے ہاتھی نے شادی کی تقریب تہس نہس کردی،دولہا بھاگنے پر مجبور

بھارت  میں شادی کی تقریب میں بارات کی آمد کے لیے ہاتھی گھوڑوں کا استعمال تو عام سی بات ہے لیکن یہی ہاتھی اگر شادی کی تقریب میں بپھر جائے تو بہت کچھ غلط بھی ہوسکتا ہے۔

بھارتی میڈیا رپورٹ میں حال ہی میں اتر پردیش میں پیش آئے ایک واقعے کو رپورٹ کیا گیا ہے ۔

میڈیا رپورٹ میں شیئر کی گئی ویڈیو میں دیکھا جاسکتا ہے کہ دولہا آنند ترپاٹھی  ہاتھی گھوڑوں پر لے جائی گئی بارات کے ہمراہ شادی کی تقریب میں پہنچے۔

بارات کی آمد پر تیز پٹاخوں کی آواز نے ہاتھی کو مشتعل کردیا جس کے بعد دولہا ابھی گھوڑا گاڑی سے اترا بھی نہیں تھا کہ ہاتھی نے تقریب میں ہلچل مچادی۔

ہاتھی نے شادی کی تقریب کے لیے لگائے پنڈال کو اکھاڑنا شروع کردیا، ہاتھی اتنا مشتعل تھا کہ تقریب کے مقام پر کھڑی کی گئی چار گاڑیاں بھی الٹ دیں۔

ویڈیو میں ہاتھی کو گاڑی الٹتے اور دولہا سمیت لوگوں کو بھاگتے دیکھا جاسکتا ہے۔ 

ایک دولہن سے شادی کیلئے 2 دولہا بارات لے آئے، ہنگامہ برپا

غیر معمولی واقعہ بھارتی ریاست اتر پردیش میں پیش آیا

دُلہن نے گٹکا کھانے پر دولہا سے شادی سے ہی انکار کردیا

باراتیوں کی آمد پر جہاں سب خوشی سے نہال ہوئے وہیں دلہن کا موڈ ہی خراب ہوگیا اور اس نے شادی رکوادی۔