گوادر کے ماہی گیروں کو آج سمندر میں جانے سے روک دیا گیا

گوادر کے ماہی گیروں کو آج سمندر میں جانے سے روک دیا گیا۔ 

اسسٹنٹ ڈائریکٹر فشریز نے اعلامیہ جاری کیا تھا کہ گوادرمیں ماہی گیر پیر 5 جولائی کو صبح 7 تا شام 6 بجےسمندر میں جانےسےگریزکریں، جس کے باعث آج صبح 7 بجے سے شام 6 بجے تک کوئی بھی ماہی گیر سمندر میں نہیں جاسکا، جس کی بظاہر کوئی وجہ نہیں بتائی گئی۔

وزیراعظم کا گوادر کا دورہ، کئی منصوبوں کا افتتاح کردیا

وزیراعظم نے پانچ فیکٹریوں، ایکسپو سینٹر اور ایگریکلچرل انڈسٹریل پارک کا افتتاح کیا

خیال رہے کہ آج وزیراعظم عمران خان نےگوادر میں فری زون فیز 2 کاسنگ بنیادرکھ دیا۔

وزیراعظم عمران خان ایک روزہ دورے پر بلوچستان کے ساحلی شہر گوادر پہنچے جہاں مصروف وقت گزارا۔

انہوں نے گوادر فری زون کا سنگ بنیاد رکھنے کے علاوہ پانچ فیکٹریوں، ایکسپو سینٹر اور ایگریکلچرل انڈسٹریل پارک کا افتتاح بھی کیا اور مفاہمت کی یادداشتو ں پر دستخط کی تقریب میں بھی شرکت کی۔