10 جولائی ، 2021 
طالبان کا افغانستان کے 85 فیصد حصے پر کنٹرول حاصل کرنے کا دعویٰ
10 جولائی ، 2021
افغان طالبان نے ملک کے 85 فیصد حصے پر کنٹرول حاصل کرنے کا دعویٰ کردیا۔
خلیجی خبر رساں ادارے الجریزہ کی رپورٹ کے مطابق طالبان کا کہنا ہےکہ انہوں نے افغانستان کے 85 فیصد علاقے پرکنٹرول حاصل کرلیا ہے جب کہ طالبان کے خلاف پراپیگنڈے کے نتیجے میں سرکاری حکام کے ساتھ معاہدہ ختم کردیا گیا ہے۔
رپورٹ کے مطابق مقامی افغان حکام کا کہناہےکہ نیٹو فوج کے انخلا کے بعد مضبوط ہونے والے طالبان نے صوبے ہیرات کے اہم ضلعے پر قبضہ کرلیا ہے۔
اس کے علاوہ افغان حکام اور طالبان نے ترکمانستان کی سرحد کے ساتھ موجود علاقے ترغنڈی پر بھی قبضے کی تصدیق کی ہے۔
اس سلسلے میں افغان وزارت داخلہ کے ترجمان کا کہنا ہےکہ طالبان کو ان کی نئی پوزیشنز سے ہٹانے کے لیے کوششیں کی جارہی ہیں۔
میڈیا رپورٹس کے مطابق افغان طالبان کی جانب سے قندھار شہر کے جنوبی علاقے میں واقعے ایک جیل پر بھی حملہ کیا گیا جہاں طالبان نے جیل پر قبضہ کرنے کی کوشش کی تاہم وہاں انہیں فورسز سے مزاحمت کا سامنا کرنا پڑا۔
مزید خبریں :
ایلون مسک امریکی حکومتی ادارے کی سربراہی پر کتنی تنخواہ لیں گے؟
15 نومبر ، 2024
’2 منٹ کا مہمان ہوں‘، شوہر کی خودکشی سے قبل اہلیہ کو ویڈیو کال
15 نومبر ، 2024
