تنگ نظری اور عدم برداشت ہمیں لے ڈوبے گی، خواجہ آصف

مسلم لیگ ن کے رہنما خواجہ آصف نے کہا ہےکہ تنگ نظری  اور عدم برداشت ہمیں لے ڈوبے گی۔

ایک بیان میں خواجہ آصف کا کہنا تھا کہ ہم نےاپنا نکتہ نظر مسلط کرنےکے لیے اپنی تاریخ مسخ کرنے سے دریغ نہیں کیا، ہماری درس گاہوں میں پڑھائی جانے والی کتابیں گواہی ہیں۔

پنجاب میں مطالعہ پاکستان کی کتاب کا اسٹاک مارکیٹ سے کیوں اٹھالیا گیا؟

نجی پبلشرکے خلاف کارروائی ملالہ کی تصویر سے متعلق نہیں: پنجاب ٹیکسٹ بک بورڈ

 خواجہ آصف کا کہنا تھا کہ ماضی میں مخصوص ایجنڈے کی تکمیل کے لیے ہم اپنی  شناخت بھی کھو بیٹھے۔

خیال رہے کہ گزشتہ روز ٹیکسٹ بک بورڈ نے پنجاب میں مطالعہ پاکستان کی کتاب مارکیٹ سے اٹھالی تھی، مطالعہ پاکستان کی کتاب میں پاکستان کے ہیروز کے ساتھ ملالہ کی تصویر بھی شائع کی گئی تھی۔

دوسری جانب اس حوالے سے ٹیکسٹ بک بورڈ  کےترجمان کا کہنا تھا کہ کتاب این او سی کے بغیر شائع کی گئی۔