اولمپکس: اسرائیلی حریف سے مقابلے سے انکار پر دوسرا ایتھلیٹ باہر

ٹوکیو اولمپکس میں دوسرے جوڈوکا نے اسرائیلی حریف طوہر بتبول سے مقابلہ کرنے سے انکار کردیا جس پر ایتھلیٹ کو گیمز سے باہر کردیا گیا۔

گزشتہ روز سوڈان سے تعلق رکھنے والے محمد عبدالرسول کو 73 کلو گرام ڈویژن میں مقابلہ کرنا تھا لیکن انہوں نے میچ کے 32 ویں راؤنڈ میں اسرائیلی حریف طوہر بتبول سے مقابلہ کرنے سے انکار کردیا۔

غیر ملکی میڈیا رپورٹس کے مطابق انٹرنیشنل جوڈو فاؤنڈیشن (آئی جے ایف) کی جانب سے عبدالرسول کے مقابلے سے انکار پر فی الحال کوئی تبصرہ نہیں کیا گیا ہے اور  ناہی سڈنی اولمپکس کے عہدیداران نے اس پر کوئی تبصرہ کیا۔

اس سے قبل الجزائر کے ایتھلیٹ نے فتحی نورین نے اسرائیلی حریف سے مقابلے سے انکار کیا تھا جس پر ایتھلیٹ کو گیمز سے باہر کردیا گیا۔

اس حوالے سے غیر ملکی میڈیا سے گفتگو کرتے ہوئے نورین کا کہنا تھا کہ ہم اولمپکس تک پہنچنے کے لیے بے حد محنت کرتے ہیں لیکن فلسطین کے مسائل اس سب سے کہیں زیادہ اہم ہیں۔

ٹوکیو اولمپکس میں منگل کو پاکستان کے دو ایتھلیٹس ایکشن میں دکھائی دیں گے

ماحور شہزاد بیڈمنٹن اور حسیب طارق سوئمنگ کے مقابلوں میں ایکشن میں نظر آئیں گے

ٹوکیو اولمپکس میں اب تک کونسی ٹیم کتنے تمغے جیتنے میں کامیاب رہی؟

ٹوکیو اولمپکس گیمز میں فی الحال میزبان ملک جاپان آٹھ گولڈ، دو سلور اور تین کانسی کے تمغے جیت کر کُل 13 میڈلز کے ساتھ سرفہرست ہے