پاکستان
25 اگست ، 2021

لاہور میں زیادتی کا نشانہ بننے والی ماں بیٹی کےموقع سے بھاگنےکی ویڈیو سامنے آگئی

لاہورکے علاقے چوہنگ میں 3 روز قبل رکشا ڈرائیور اور اس کے ساتھی کی جانب سے زیادتی  کا نشانہ بننے والی ماں بیٹی کے موقع سے بھاگنےکی ویڈیو سامنے آگئی ۔

ماں بیٹی سے زیادتی کا واقعہ 22 اگست کی رات ساڑھے 11 بجے پیش آیا، سی سی ٹی وی ویڈیو میں زیادتی کی شکار ماں بیٹی کو بھاگتے دیکھا جاسکتا ہے۔

 ماں بیٹی کو ریسکیو کرنے والے عینی شاہد کا کہنا ہےکہ جب وہ جائے وقوعہ کے قریب پہنچا تو دونوں ماں بیٹی بہت گھبرائی ہوئی ملیں۔

جیو نیوز کی ٹیم نے علاقےکا جائزہ لیا تو پتہ چلا کہ یہ ایک سنسان جگہ ہے، رات کے وقت یہاں مکمل سناٹا چھا جاتا ہے۔ملزم رکشا ڈرائیور عمر اور منصب متاثرہ ماں بیٹی کو رائے ونڈ روڈ سے یہاں لائے اور ایچ بلاک کے ویرانے میں لے جا کر زیادتی کا نشانہ بنایا۔

اہم بات یہ ہےکہ جس جگہ یہ واقعہ پیش آیا وہاں سیف سٹی کے کیمرے تو نصب ہیں لیکن وہ کام نہیں کر رہے جب کہ پول بھی گرنے والا ہے، ایس پی عیسٰی سکھیرا کا کہنا ہے کہ شہریوں کو ایسے واقعات کی اطلاع بر وقت دینی چاہیے۔

خیال رہے کہ 2 ملزمان نے میلسی سے آنے والی ماں بیٹی کو زیادتی کا نشانہ بنایا تھا، ملزمان  ماں بیٹی کو رکشے پر ڈراپ کرنے کے بہانے ویران جگہ لےگئے تھے، شور مچانے پر ملزم رکشا چھوڑ کر فرارہوگئے تھے، دونوں ملزمان گرفتار کرلیےگئے ہیں اور 7روزہ جوڈیشل ریمانڈپر جیل میں ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM