11 ستمبر ، 2021 
ایڈیشنل آئی جی موٹروے پر فائرنگ میں ملوث ملزمان کا سراغ لگالیا: پولیس
11 ستمبر ، 2021
پولیس نے راولپنڈی میں ایڈیشنل آئی جی موٹروے کی گاڑی پر فائرنگ کے ملزمان کا سراغ لگانے کا دعویٰ کیا ہے۔
پولیس کا کہناہےکہ فائرنگ میں پشاورکا ایک ڈکیت گروہ ملوث ہے۔
دوسری جانب اے آئی جی سجاد افضل آفریدی کی گاڑی پر فائرنگ کا مقدمہ نصیر آباد تھانے میں درج کرلیا گیا ہے جس میں دہشتگردی، قتل اوراقدام قتل کی دفعات شامل کی گئی ہیں۔
ملزمان کو پہچان سکتا ہوں: اے آئی جی
علاوہ ازیں اے آئی جی سجاد افضل آفریدی نے کہا ہے کہ ملزمان اندھا دھند فائرنگ کرکے فرار ہوگئے لیکن وہ گاڑی میں سوار چار ملزمان کو پہچان سکتے ہیں۔
واضح رہےکہ گزشتہ روز فتح جنگ انٹرچینج پر ایڈیشنل انسپکٹر جنرل (اے آئی جی) موٹروے کی گاڑی پر فائرنگ کے نتیجے میں بھائی جاں بحق ہوگیا تھا جب کہ اے آئی جی سجاد افضل آفریدی فائرنگ سے زخمی ہوئے۔
