پاکستان اب اپنی ہوم سیریز نیوٹرل وینیو پر نہیں کھیلے گا، رمیز راجہ کا واضح اعلان

پاکستان کرکٹ بورڈ (پی سی بی) کے چیئرمین رمیز راجہ نے واضح اعلان کیا ہے کہ اپنی کوئی بھی ہوم سیریز کھیلنے اب نیوٹرل وینیو پر نہیں جائیں گے۔

ورچوئل پریس کانفرنس کرتے ہوئے رمیز راجہ نے نیوزی لینڈ اور انگلینڈ کے انکار کے بعد ایشیائی بلاک بنانےکا بھی عندیہ دیا۔

رمیز راجہ نے کہا کہ ہم کسی میچ کا بائیکاٹ نہیں کریں گے، یہ جاننا ہے کہ ہمارے ساتھ ایسا کیوں کیا گیا؟ اپنی خودداری اور کرکٹ کے لیے سخت فیصلے کرنا ہوں گے۔

نیوزی لینڈ اب واپس آنا چاہے بھی تو پاکستان 2023 سے قبل میزبانی نہیں کرسکتا

اگر نیوزی لینڈ ملتوی کی جانے والی حالیہ سیریز کی تلافی کرنا چاہتا ہے تو اسے 2023 کے دورے کو طویل کرکے اس میں ہی اضافی میچز کھیلنے ہوں گے

انہوں نے کہا کہ ہمارے لیے اب تک سبق ہی سبق ہے، پتا چل رہا ہے کہ کون دوست ہے، کون ساتھ کھڑا ہے، یہ سب ہمارے ہاں ایک مائنڈ سیٹ کے ساتھ آتے ہیں، ہمیں ٹوٹ پھوٹ کا شکار نہیں ہونا، ہمیں ایک ساتھ آگے بڑھنا ہے۔

رمیز راجہ نے کہا کہ اب یہ نہیں ہو گا کہ وہ ہم سے اپنا مطلب نکالیں اور چلے جائیں، نیوزی لینڈ کو تھریٹ تھا تو شئیر کرتے، اب دبئی پہنچ گئے ہیں تو اب بتا دیں، ہمیں اپنی پوزیشن کے حساب سے اپنی اننگز کھیلنی ہے۔

انگلش کرکٹ بورڈ کے چیئرمین کا رمیز راجہ کے خط کا جواب دینے سے گریز

خط میں میچ پنڈی سے لاہور منتقل کرنے کی پیشکش کی گئی تھی: ذرائع

پاکستان کرکٹ بورڈ کے چیئرمین رمیز راجہ کا کہنا تھا کہ نیوزی لینڈ اور انگلینڈ کے دورے منسوخ ہونے کے تمام معاملات آئی سی سی میں اٹھانے ہیں، ایسی کون سی تھریٹ تھی کہ وہ ایک دم بھاگ گئے، انہیں بتانا پڑےگا، ہمارے جذبات کی قدر نہیں کی گئی ہے، ہمیں کوئی بلاک ایسا نہیں بنانا لیکن جو لوگ ہمارے ساتھ ہیں انہیں ساتھ لے کر چلیں گے۔