ایف بی آر کا ٹیکس گوشوارے جمع کرانے کی تاریخ میں توسیع نہ کرنے کا اصولی فیصلہ

فیڈرل بورڈ آف ریونیو (ایف بی آر) نے انکم ٹیکس گوشوارے جمع کرانے کی تاریخ میں توسیع نہ کرنے کا اعلان کردیا۔

ایف بی آر کے اعلامیے کے مطابق انکم ٹیکس گوشوارے جمع کرانے کی تاریخ میں توسیع نہیں کی جائے گی جبکہ ایسوسی ایشن آف پرسنز کیلئے بھی ٹیکس گوشوارےجمع کرانے کی تاریخ نہیں بڑھائی جائے گی۔

ایف بی آر کا کہنا ہے کہ کمپنیوں کیلئے بھی ٹیکس گوشوارے جمع کرانے کی تاریخ نہیں بڑھائی جائے گی۔

ایف بی آر نے ٹیکس گوشواروں کی وصولی کیلئے اوقات کار میں اضافہ کردیا

پاکستان ٹیکس بار ایسوسی ایشن نے سالانہ ٹیکس گوشوارے جمع کرانے کی تاریخ میں توسیع کا مطالبہ کیا ہے

ایف بی آر نوٹیفکیشن کے مطابق ہارڈ شپ کیسز کیلئے ٹیکس گزار مدت میں توسیع کی درخواست دے سکتے ہیں اور انکم ٹیکس کمشنر ٹیکس گزاروں کی مدت میں توسیع کی درخواستیں منظور کرسکتے ہیں۔

نوٹیفکیشن میں کہا گیا ہے کہ کمشنرز ہارڈ شپ کیسز میں ٹیکس ریٹرن فائل کرنے کیلئے 15 روز کی توسیع دے سکتے ہیں، انکم ٹیکس کمشنرز کا اختیار ہے کہ ٹیکس ریٹرن کیلئے 15 روزکی مہلت دے سکتا ہے۔

نوٹیفکیشن کے مطابق ایف بی آر آئی آر آئی ایس سسٹم کو آسان کر رہا ہے جبکہ ٹیکس ریٹرن فائل کرنے کی آخری تاریخ 30 ستمبر ہے اور ریٹرن فائل کرنے کی مدت میں توسیع نہیں کی جائے گی۔