29 ستمبر ، 2021
فیڈرل بورڈ آف ریونیو نے انکم ٹیکس گوشوارے جمع کرانے کی تاریخ میں توسیع سے متعلق اہم ہدایات جاری کی ہیں۔
ایف بی آر کی جانب سے جاری بیان میں کہا گیا ہےکہ تاریخ میں توسیع کے لیے متعلقہ ریجنل دفاتر یا آن لائن درخواست دی جاسکتی ہے جب کہ ریجنل دفاتر ٹیکس درخواستیں وصول کرنے کے لیے ہیلپ ڈیسک قائم کریں۔
ایف بی آر کا کہنا ہےکہ توسیع کے لیے درخواست گزار اپنا نیشنل ٹیکس نمبر اور قومی شناختی کارڈ نمبر فراہم کریں، علاقائی دفاتر سے کہا گیا ہےکہ توسیع کے لیے فراخدلی سے فیصلے کیے جائیں۔
واضح رہےکہ ایف بی آر نے انکم ٹیکس گوشوارے جمع کرانے کی تاریخ میں توسیع نہ کرنے کا اصولی فیصلہ کیا ہے۔