وزیرکے قافلےکی گاڑی تلےکچلے جانیوالےکسانوں کے حق میں احتجاج پر سدھو گرفتار

بھارتی سیاستدان و سابق کرکٹر نوجوت سنگھ سدھو کو اترپردیش میں وزیر کے قافلے کی گاڑی تلےکچل کر ہلاک ہونے والےکسانوں کی ہلاکت کے خلاف احتجاج پر گرفتار کرلیا گیا۔

خیال رہے کہ  بھارتی ریاست اترپردیش کے ضلع لکھیم پور کھیری  میں کسانوں کے احتجاج کے دوران حکمران جماعت بھارتیہ جنتہ پارٹی (بی جے پی) سے تعلق رکھنے والے جونیئر وزیر داخلہ اجے مشرا کے قافلے کی گاڑی مظاہرین پر چڑھ دوڑی  تھی جس سے 4 کسان ہلاک ہوگئے۔

بھارت میں متنازع زرعی پالیسی کیخلاف کسانوں کا احتجاج، پرتشدد واقعات میں 8 افراد ہلاک

جونیئر وزیر داخلہ اجے مشرا کے قافلے کی گاڑی مظاہرین پر چڑھ دوڑی جس سے 4 کسان ہلاک ہو گئے: بھارتی میڈیا

مقامی پولیس کے مطابق واقعے کے بعد مشتعل مظاہرین نے کار کو آگ لگائی جس سے کار میں موجود 4 افراد ہلاک ہو گئے۔

مذکورہ واقعے کے خلاف کانگریس کے رہنما اور بھارتی پنجاب کی ریاستی اسمبلی کے رکن  نوجوت سنگھ سدھو دیگر ارکان اسمبلی کے ہمراہ چندی گڑھ میں گورنر ہاؤس کے باہر  بی جے پی حکومت کے خلاف اور کسانوں کی حمایت میں احتجاج کے لیے پہنچ گئے اور وہاں دھرنا دے دیا۔

اس موقع پر نوجوت سدھو کے ساتھ موجود مظاہرین اور دیگر ارکان اسمبلی نے مودی سرکار اور یوپی حکومت کے خلاف نعرے لگائے  اور جونیئر وزیر داخلہ اجے مشرا کی گرفتاری کا مطالبہ کیا،  احتجاج کے دوران پولیس کی بھاری نفری پہنچ گئی اور سدھو سمیت کانگریس کے دیگر ارکان اسمبلی  اور سیاسی کارکنوں کو  حراست میں لے لیا۔

پولیس وین میں موجودگی کے دوران میڈیا سے گفتگو کرتے ہوئے نوجوت سدھو کا کہنا  تھا کہ کیا کسانوں کو قتل کرنے والوں کی گرفتاری کا مطالبہ کرنا جرم ہے؟ یہ میرا بنیادی حق ہے کہ میں کسانوں کے لیے آواز بلند کروں، نوجوت سدھو کا کہنا تھا کہ حکومت کسانو ں کے خلاف اپنی آمرانہ سوچ مسلط کررہی ہے۔

خیال رہے کہ بھارت کے مختلف حصوں میں کسان حکومت کی زرعی پالیسی کے خلاف کئی ماہ سے احتجاج کر رہے ہیں جب کہ مودی سرکار کا کہنا ہے کہ حکومت کی زرعی پالیسی سے کسانوں کو فصلوں کے بہتر دام ملیں گے۔

نوجوت سنگھ سدھو نے پنجاب کانگریس کے سربراہ کے عہدے سے استعفیٰ دے دیا

سدھو اس بات سے کافی مایوس ہیں کہ پنجاب کے سابق وزیراعلیٰ امریندر سنگھ کے مستعفی ہونے کے بعد ان کا نام کیوں تجویز نہیں کیا گیا

بھارتی پنجاب میں ٹریکٹر نے کسان مظاہرین کو روند ڈالا، 2 خواتین ہلاک

اپوزیشن لیڈر راہول گاندھی نے مظاہرین کی ہلاکت پر افسوس کا اظہار کرتے ہوئے کہا ہے کہ مودی حکومت کسانوں کو کیوں دھمکا رہی ہے اور انہیں مار رہی ہے۔