06 اکتوبر ، 2021 
فیس بک نوجوانوں کی ذہنی صحت کو بری طرح متاثر کررہی ہے: سابقہ عہدیدار
06 اکتوبر ، 2021
فیس بُک پر سنگین نوعیت کے الزام لگانے والی سابقہ عہدیدار فرانسس ہاؤگن امریکی سینیٹ کی خصوصی کمیٹی کے سامنے پیش ہوئیں۔
فرانسس ہاؤگن نے کمیٹی کو کہا کہ فیس بک بچوں اور جمہوری اقدارکو نقصان پہنچا کرمعاشرے میں تقسیم پیدا کررہی ہے۔
انہوں نے فیس بک کی ملکیت فوٹو اور ویڈیو شیئرنگ ایپلی کیشن انسٹاگرام پر الزامات عائد کیے اور کہا کہ فیس بک کی اپنی ریسرچ کے مطابق یہ ایپ نوجوانوں کی ذہنی صحت کو بری طرح متاثر کررہی ہے۔
ہاؤگن کے مطابق ریسرچ میں یہ بات سامنے آئی کہ 20 برس سے کم عمر کی 13 فیصد لڑکیوں نے کہا ہے کہ انسٹاگرام کو استعمال کرنے کی وجہ سے ان میں خود کشی کی سوچ پیدا ہوتی ہے، انسٹاگرام پر لوگ اپنی تصاویر پوسٹ کرتے ہیں تو کچھ صارفین میں اپنی جسامت کو لے کر ذہنی دباؤ پیدا ہوتا ہے۔
سابقہ عہدیدار نے اس سب کا ذمہ دار فیس بک کی انتظامیہ کو قرار دیتے ہوئے کہا کہ فیس بک جانتی ہے کہ پلیٹ فارم کو کیسے محفوظ بنایا جا سکتا ہے لیکن وہ منافع کی غرض سے ایسا کرنے سے گریزاں ہے۔
فرانسس ہاؤگن نے کمیٹی کے سامنے دیے گئے بیان میں یہ بھی کہا کہ فیس بک عوامی مفاد پر کاروباری مفاد کو ترجیح دیتی ہے۔
دوسری جانب فیس بک نے فرانسس ہاؤگن کے بیان پر لاتعلقی کا اظہار کرتے ہوئے کہا ہےکہ وہ جن موضوعات پر بات کررہی ہیں کمپنی کو اس کا علم نہیں ہے۔
مزید خبریں :
ٹک ٹاک سے کمانے کیلئے کتنے فالوورز ضروری ہیں؟
20 دسمبر ، 2024
ایپل کا سب سے پتلا آئی فون دیکھنے میں کیسا ہوگا؟
20 دسمبر ، 2024
کیا آپ کو معلوم ہے کہ لیزر کن الفاظ کا مخفف ہے؟
18 دسمبر ، 2024
